00:00:00 IGIHE NETWORK KN KINYARWANDA EN ENGLISH FR FRANCAIS

Christopher yateguye igitaramo cy’umuhuro ku bakundanye

Yanditswe na

Kalinda Brendah

Kuya 12 January 2015 saa 05:35
Yasuwe :

Umuhanzi Muneza Christophe uzwi nka Christopher yateguye igitaramo kizafasha abakundanye kwizihirwa ku munsi w’abakundanye ‘Saint Valentin’ wizihizwa tariki ya 14 Gashyantare ari nabwo iki gitaramo cye kizaba.
Christopher yatangarije IGIHE ko iki gitaramo yageneye by’umwihariko abakundanye, yacyise ‘Agatima’, izina ry’imwe mu ndirimbo ze zikunzwe muri iyi minsi. Iki gitaramo kizabera kuri Serena Hotel ku Munsi w’Abakundanye uzizihizwa tariki 14 Gashyantare 2015.
Yagize ati, “Ubundi Saint (...)

Umuhanzi Muneza Christophe uzwi nka Christopher yateguye igitaramo kizafasha abakundanye kwizihirwa ku munsi w’abakundanye ‘Saint Valentin’ wizihizwa tariki ya 14 Gashyantare ari nabwo iki gitaramo cye kizaba.

Christopher yatangarije IGIHE ko iki gitaramo yageneye by’umwihariko abakundanye, yacyise ‘Agatima’, izina ry’imwe mu ndirimbo ze zikunzwe muri iyi minsi. Iki gitaramo kizabera kuri Serena Hotel ku Munsi w’Abakundanye uzizihizwa tariki 14 Gashyantare 2015.

Yagize ati, “Ubundi Saint Valentin ni umunsi w’abakundana kandi indirimbo zanjye ahanini zibanda ku rukundo. Nifuje kuzataramira abakunzi banjye , mbaririmbira zimwe mu ndirimbo zanjye zizabafasha kunezerwa kuri uwo munsi”.

Christopher yakomeje avuga ko igitaramo cye gitandukanye no gushyira hanze album bityo abantu bazashobora kwisanzura ndetse no kwizihirwa birushijeho dore ko nyinshi mu ndirimbo azaririmba ari izo abafana be bazamusaba.

Uyu musore ubarizwa muri Label ya Kina Music azafatanya na Knowless, Dream Boyz, Tom Close ndetse na Jules Sentore.

Christopher yavuze ko imyiteguro ayigeze kure ndetse bidatinze aza gutangariza abakunzi be igiciro cyo kwinjira muri iki gitaramo yise ‘Agatima’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .