00:00:00 IGIHE NETWORK KN KINYARWANDA EN ENGLISH FR FRANCAIS

Christopher yiba umugono bagenzi be akarahura ubumenyi mu ishuri ry’umuziki

Yanditswe na

Kalinda Brendah

Kuya 30 October 2014 saa 03:57
Yasuwe :

Muneza Christophe uzwi mu muziki nyarwanda nka Christopher akomeje gukaza umurego mu kwihugura mu muziki ari nayo mpamvu afata umwanya akajya i Rubavu kurahura ubumenyi mu ishuri ry’umuziki riherutse gutangizwa ku mugaragaro.
Kuwa Gatanu tariki ya 24 Ukwakira 2014 nibwo mu ishuri rya "Ecole d’Arts de Nyundo" riherereye mu Karere ka Rubavu hafunguwe ku mugaragaro ishuri rya muziki ku bufatanye bw’ Ikigo cy’igihugu gishinzwe ubumenyi ngiro (WDA) na Leta y’u Rwanda.
Christopher umwe mu bahanzi (...)

Muneza Christophe uzwi mu muziki nyarwanda nka Christopher akomeje gukaza umurego mu kwihugura mu muziki ari nayo mpamvu afata umwanya akajya i Rubavu kurahura ubumenyi mu ishuri ry’umuziki riherutse gutangizwa ku mugaragaro.

Kuwa Gatanu tariki ya 24 Ukwakira 2014 nibwo mu ishuri rya "Ecole d’Arts de Nyundo" riherereye mu Karere ka Rubavu hafunguwe ku mugaragaro ishuri rya muziki ku bufatanye bw’ Ikigo cy’igihugu gishinzwe ubumenyi ngiro (WDA) na Leta y’u Rwanda.

Christopher umwe mu bahanzi bagize amahirwe yo kugera muri iri shuri avuga ko yishimiye iki gikorwa anashimangira ko ari intambwe ikomeye muzika nyarwanda iteye.

Ati “Iri shuri rizafasha barumuna bacu muri muzika kuko bazajya bigishwa byinshi twe tutagize amahirwe yo kumenya bityo umuziki wacu utere imbere ndetse ugere no ku rwego mpuzamahanga”

Christopher unasanzwe arahura ubumenyi muri iri shuri aho yigishwa ibijyanye no kugorora ijwi no gucuranga, avuga ko abana baryigamo bafite impano zitangaje zishobora kuzaba umuyoboro mwiza w’ahazaza heza h’iterambere ry’umuziki nyarwanda.

Aganira na IGIHE, uyu muhanzi yavuze ko kuva kera yifuzaga kwiga umuziki ariko akabura amahirwe n’ubwinyagamburiro dore ko mu Rwanda nta mashuri ya muzika yabagamo mbere y’iryo ku Nyundo. Arashishikariza urubyiruko rwifitemo impano yo kuririmba cyane cyane abakobwa gutinyuka bagakora muzika y’umwimerere.

Christopher aherutse muri Kenya aho yari yagiye gukorera amashusho y’indirimbo ‘Agatima’ ateganya ko izasohoka mu cyumweru gitaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .