Dr Claude ntacibwa intege no kuba amaze imyaka 19 mu muziki nta gihembo arahabwa mu Rwanda

Yanditswe na

Munyengabe Murungi Sabin

Kuya 17 Kamena 2014 saa 09:38
Yasuwe :
0 0

Iyamuremye Jean Claude benshi bazi ku mazina y’ubuhanzi ya Dr Claude, ashimangira ko kuba amaze igihe kigera ku myaka 19 mu muziki atarahabwa igihembo mu Rwanda ngo ntibimuca intege na gato ahubwo ahira aharanira gukora cyane.
Mu kiganiro yagiranye na IGIHE, Dr Claude yatangiye asobanura uburyo ibihugu byo mu karere u Rwanda ruherereyemo bitarusha umuziki abahanzi nyarwanda. Dr Claude yavuze ko, bagenzi be ikicyo Babura ari uguhimba udushya no kurushaho kuba abanyamwuga kugira ngo (...)

Iyamuremye Jean Claude benshi bazi ku mazina y’ubuhanzi ya Dr Claude, ashimangira ko kuba amaze igihe kigera ku myaka 19 mu muziki atarahabwa igihembo mu Rwanda ngo ntibimuca intege na gato ahubwo ahira aharanira gukora cyane.

Mu kiganiro yagiranye na IGIHE, Dr Claude yatangiye asobanura uburyo ibihugu byo mu karere u Rwanda ruherereyemo bitarusha umuziki abahanzi nyarwanda. Dr Claude yavuze ko, bagenzi be ikicyo Babura ari uguhimba udushya no kurushaho kuba abanyamwuga kugira ngo biyerekane mu ruhando mpuzamahanga.

Hano ni mu gitaramo Dr Claude yakoreye mu Bubiligi mu minsi mike ishize.

Ati, “Icyo nishimira kurusha ibindi ni uko umuziki nyarwanda uri gutera imbere. Iyo urebye uko ibindi bihugu duturanye bihagaze mu muziki, usanga u Rwanda ruhagaze neza. Mu karere hari amazina y’abahanzi akomeye kandi azwi, i Burayi aho nabashije kugera nasanze umuziki wacu ukunzwe ahubwo igikenewe kurusha ibindi ni ukurushaho guhimba udushya mu muziki kugira ngo twitandukanye n’abandi.”

Kimwe mu bimenyetso ashingiraho yemeza ko mu bihugu byo hanze abanyarwanda bazwi ndetse banarusha abo mu mahanga, ni igihembo cya East African Award yahawe muri 2011 atsinze bagenzi be barimo Bebe Cool , Jaguar n’abandi.

Dr Claude ati, “Ikikwereka ko abahanzi bo mu karere dutuyemo ntacyo barusha aba hano iwacu, njyewe natwaye igikombe cya East African Award muri 2011, mu cyiciro cya nari mpanganyemo na ba Bebe Cool n’abandi bahanzi bakomeye muri Tanzania, Uganda na Kenya. Icyo gihe Jaguar wo muri Kenya ni we wankurikiye.”

Nubwo amaze igihe kigera ku myaka 19 akora umuziki ariko mu Rwanda ntarabasha guhabwa igihembo na kimwe. Ibi, ngo ntibimuca intege dore ko atari we utanga ibihembo ahubwo ngo byabazwa ababitegura.

Ati, “Mu Rwanda sinzi impamvu ntahabwa ibihembo muri muzika ariko nta kibazo binteye njyewe. Ndakora, narakoze nzakomeza nkore kandi neza. Kuba ntahabwa ibihembo mujye mubibaza ababitegura nibo bafite igisubizo. Icyo navuga ni uko bidashobora kunca intege.”

REBA IGITARAMO DR CLAUDE AHERUTSE GUKORERA MU BUBILIGI:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .