Dr Claude yatashye amara masa mu bihembo bya Bingwa Music Awards

Yanditswe na

Munyengabe Murungi Sabin

Kuya 16 Mutarama 2015 saa 10:37
Yasuwe :
0 0

Iyamuremye Jean Claude uzwi nka Dr Claude mu muziki ni we Munyarwanda rukumbi wahatanaga mu bihembo bya muzika bya Bingwa Music Awards bitegurirwa muri Kenya, ntiyagize amahirwe yo kwegukana igihembo kuko icyo yahataniraga cyatwawe na Dr Jose Chameleone.
Dr Claude wahatanaga mu cyiciro cy’umuhanzi w’umwaka muri Afurika y’Uburasirazuba, ngo yari afite icyizere cyo gutwara iki gihembo ngo kuko yabonaga abo yari ahanganye na bo nta n’umwe wamurushije gukora cyane. Yari ahanganye na Diamond (...)

Iyamuremye Jean Claude uzwi nka Dr Claude mu muziki ni we Munyarwanda rukumbi wahatanaga mu bihembo bya muzika bya Bingwa Music Awards bitegurirwa muri Kenya, ntiyagize amahirwe yo kwegukana igihembo kuko icyo yahataniraga cyatwawe na Dr Jose Chameleone.

Dr Claude wahatanaga mu cyiciro cy’umuhanzi w’umwaka muri Afurika y’Uburasirazuba, ngo yari afite icyizere cyo gutwara iki gihembo ngo kuko yabonaga abo yari ahanganye na bo nta n’umwe wamurushije gukora cyane.

Yari ahanganye na Diamond (Tanzania), Chameleon (Uganda), Cindy (Uganda), Jay dee (Tanzania) na Silver x (Sudani y’Epfo). Igihembo cy’umuhanzi w’umwaka muri Afurika y’Uburasirazuba cyatwawe na Chameleone wo muri Uganda.

Mu muhango wo gutanga ibi bihembo wabereye ahitwa Michael Joseph Centre mu Mujyi wa Nairobi muri Kenya, Chameleone yarashimiwe cyane ku bw’umubare munini w’ibihembo amaze gutwara mu marushanwa atandukanye mu Karere.

Iki gihembo ni icya munani atwaye mu byiciro bitandukanye yagiye ahatanamo muri Afurika y’Uburasirazuba.

Yari inshuro ya kabiri Dr Claude ahatanira ibihembo muri Kenya nyuma y’uko muri 2011 yegukanye icya East African Music Award nk’umuhanzi w’umugabo wigaragaje neza muri Afurika y’Uburasirazuba.

Abandi begukanye ibihembo bya Bingwa Music Awards:

Artist of the Year – Kenrazy
Showbiz Personality of the Year – Churchill
New DJ of the Year – DJ Slim 254
Best Video of the year – Sura Yako by Sauti Sol
Video DIrector of the Year – Young Wallace
Come Back of the Year – Nameless
Song of the Year – Kioo by Jaguar
East African Song of the Year – Yahaya by Lady Jay Dee
East Africat Artiste of the Year – Chameleone
DJ of the Year – DJ Joe Mfalme
MC East African – DNG
Collabo of the Year – Tam Tam by Size 8 and Willy Paul
Legendary Awards – Jimmy Gathu
Song Writer of the Year – Amileena for Nona Bado
Ever Relevant Male Artiste of the Year – Wyre
Ever Relevant Female Artiste of the Year – Avril


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .