Dr Claude yizeye guhigika Chameleone, Diamond, Cindy na Jay Dee muri Bingwa Music Awards

Yanditswe na

Munyengabe Murungi Sabin

Kuya 21 Ugushyingo 2014 saa 03:21
Yasuwe :
0 0

Iyamuremye Jean Claude uzwi nka Dr Claude mu muziki ni we Munyarwanda rukumbi ugaragara mu bahatanira ibihembo bya muzika bya Bingwa Music Awards bitegurirwa muri Kenya.
Dr Claude washimishijwe by’ikirenga kwibona mu bahatanira ibihembo Bingwa Music Awards (BMA), arahamya ko nihakoresha ukuri ababitegura bakagendera ku ireme ry’umuziki n’ubuhanga bwa buri muhanzi ari we ukwiye kuzegukana igihembo mu cyiciro ahatanyemo na bagenzi be Diamond, Chameleone, Lady Jay Dee, Cindy na Silver X.
Mu (...)

Iyamuremye Jean Claude uzwi nka Dr Claude mu muziki ni we Munyarwanda rukumbi ugaragara mu bahatanira ibihembo bya muzika bya Bingwa Music Awards bitegurirwa muri Kenya.

Dr Claude washimishijwe by’ikirenga kwibona mu bahatanira ibihembo Bingwa Music Awards (BMA), arahamya ko nihakoresha ukuri ababitegura bakagendera ku ireme ry’umuziki n’ubuhanga bwa buri muhanzi ari we ukwiye kuzegukana igihembo mu cyiciro ahatanyemo na bagenzi be Diamond, Chameleone, Lady Jay Dee, Cindy na Silver X.

Mu kiganiro na IGIHE, Dr Claude yagize ati « Ni iby’igiciro gikomeye kuba ndi mu bahatanira ibi bihembo. Ni njye Munyarwanda njyenyine ubirimo kandi iki ni ikimenyetso cyerekana ko umuziki wa Dr Claude ugera hanze y’u Rwanda, amahanga yabigaragaje ko ntakorera ubusa »

Dr Claude ahanganye n’ibyamamare mu muziki muri Afurika y’Uburasirazuba : Diamond na Lady Jay Dee bo muri Tanzaniya, Chameleone na Cindy bo muri Uganda na Silver X wo muri Sudani y’Amajyepfo.

Ngo nihakoreshwa ukuri kwa muzika batagendeye ku matora gusa, Dr Claude yizeye kwegukana igikombe cy’umuhanzi w’umwaka muri Afurika y’Uburasirazuba ari nacyo cyiciro arimo.

Ati « Nibadakoresha amatora gusa igikombe nzakizana hano i Kigali. Si ukwiyemera, Diamond duherutse guhurira mu gitaramo muri Canada njye na Kidum, ibyo twamukoreye mu kuririmba live arabizi, Chameleone na we murabyibuka ubwo aherutse kuza hano muri Valu Valu concert nabwo naramukubise. Nibareba ubuhanga bwo gucuranga, bagakurikiza icyitwa umuziki, igikombe nzakizana »

Ni ku nshuro ya kabiri Dr Claude agiye guhatanira ibihembo muri Kenya nyuma y’uko muri 2011 yegukanye icya East African Music Award nk’umuhanzi w’umugabo wigaragaje neza muri Afurika y’Uburasirazuba.

Cindy wo muri Uganda
Diamond wo muri Tanzania
Lady Jay Dee
Chameleone wa Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .