Nyuma ya Mozambique, Dr Claude akomereje mu Bubiligi

Yanditswe na

Munyengabe M.Sabin

Kuya 28 Mata 2014 saa 04:42
Yasuwe :
0 0

Dr Claude wari umaze iminsi mu gihugu cya Mozambique aho yari yaragiye gusura umugore n’abana be, agiye kwerekeza mu gihugu cy’u Bubiligi kuhakorera igitaramo kizabera ahitwa Westouter.
Mu kiganiro Dr Claude yagiranye na IGIHE yatangiye avuga ko impamvu amaze iminsi atagaragara mu mujyi wa Kigali ari uko amaze iminsi mu gihugu cya Mozambique aho yari kumwe n’umuryango we usigaye uhabarizwa. Nubwo uyu muhanzi amaze iminsi hanze y’igihugu ngo ibikorwa bye bya muzika byarakomeje ndetse mu minsi (...)

Dr Claude wari umaze iminsi mu gihugu cya Mozambique aho yari yaragiye gusura umugore n’abana be, agiye kwerekeza mu gihugu cy’u Bubiligi kuhakorera igitaramo kizabera ahitwa Westouter.

Mu kiganiro Dr Claude yagiranye na IGIHE yatangiye avuga ko impamvu amaze iminsi atagaragara mu mujyi wa Kigali ari uko amaze iminsi mu gihugu cya Mozambique aho yari kumwe n’umuryango we usigaye uhabarizwa. Nubwo uyu muhanzi amaze iminsi hanze y’igihugu ngo ibikorwa bye bya muzika byarakomeje ndetse mu minsi ya vuba azageza ku bafana be ibintu bishya.

Dr Claude yari amaze iminsi mu gihugu cya Mozambique aho yari yaragiye gusura umuryango we uhaba.

Dr Claude ati, “Nari maze iminsi hanze , nari naragiye mu gihugu cya Mozambique gusura umuryango wanjye. Madamu n’abana ni hariya basigaye baba kubera impamvu z’akazi ariko ubu nagarutse. Ntabwo nahagaritse ibikorwa bya muzika ahubwo ndacyakora kandi mu minsi ya vuba nzabibagezaho. Nari ntegereje ko Producer Clement agaruka mu Rwanda ubu ngiye kongera kubaha ibintu bishya”

Nyuma yo kuva muri Mozambique, Dr Claude agiye kwerekeza mu gihugu cy’u Bubiligi aho afite igitaramo cye bwite azakora ku itariki ya 24 Gicurasi 2014. Abazaza kwifatanya na we haba abatuye mu Bubiligi n’abazaza baturutse mu bindi bihugu, yabijeje ko azabacurangira umuziki wa Live ndetse akaba ageze kure imyiteguro.

Ati, “Nyuma ya Mozambique nyine igikurikiyeho ni akazi. Ubu ngiye kongera ingufu mu muziki wanjye kabisa. Mu minsi mike hari igitaramo mfite i Burayi mu gihugu cy’u Bubiligi, kwinjira bizaba aria ma-euro 8 ariko nzi neza ko hazaza abantu benshi. Ni njyewe uzaririmba gusa , ubu imyiteguro nyigeze kure kandi nzaririmba live nta byo gutwara aga CD”

Dr Claude ukunzwe muri iyi minsi mu ndirimbo Akabaju mbere yo kwerekeza i Burayi agiye gukora indirimbo nshya izatunganywa na Producer Clement usanzwe akorera muri Kina Music.

Ati, “Hari indirimbo nshyashya mfite mu minsi mike nzayigeza ku bafana banjye. Izakorwa na Producer Clement ariko namaze kuyandika hasigaye kuririmba gusa. Clement nagera mu Rwanda tuzahita tuyikora ibintu bishyashya birahari”

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .