Biography

Yanditswe na

Richard IRAKOZE

Kuya 22 Mutarama 2012 saa 10:31
Yasuwe :
0 0

Gatana Hamza Fayed niyo mazina nyakuri y’umuhanzi Fayed umenyerewe ku kabyiniro ka Souley. Yavutse kuwa 30 Ugushyingo 1991. Ni mwene Husseni Gatana na Rehma Kayitesi. Aririmba mu njyana ya Hip-Hop.
Amashuri abanza yayize ku kigo cy’Amashuri abanza cya Kabusunzu, ayisumbuye ayiga muri APACE mu ishami ry’Amateka n’ubumenyi bw’isi (HEG).
Yatangiriye ku ndirimbo yise Ntibahuza, yasohoye mu ntangiriro z’umwaka wa 2011. Gusa iyi ndirimbo ntiyaje kwamamazwa cyane ngo imenyekane nk’uko yabyifuzaga ku (...)

Gatana Hamza Fayed niyo mazina nyakuri y’umuhanzi Fayed umenyerewe ku kabyiniro ka Souley. Yavutse kuwa 30 Ugushyingo 1991. Ni mwene Husseni Gatana na Rehma Kayitesi. Aririmba mu njyana ya Hip-Hop.

Amashuri abanza yayize ku kigo cy’Amashuri abanza cya Kabusunzu, ayisumbuye ayiga muri APACE mu ishami ry’Amateka n’ubumenyi bw’isi (HEG).

Yatangiriye ku ndirimbo yise Ntibahuza, yasohoye mu ntangiriro z’umwaka wa 2011. Gusa iyi ndirimbo ntiyaje kwamamazwa cyane ngo imenyekane nk’uko yabyifuzaga ku buryo atanayiobara mu ndirimbo ze.

Yaje gukomeza guhanga izindi ndirimbo harimo iyo yakoranye n’itsinda rya TNP bayita ‘Asalaam Alaikum’. Gusa n’iyi ndirimbo nayo ntiyamajwe ku buryo nayo itamenyekanye bityo akaba atayibara mu mubare w’indirimbo ze.

Nyuma yaje gusohora indirimbo yise ‘Ako Niko Kanya’, ari nyo ndirimbo abara ko ari nk’iya mbere yafata ko yahereyeho. Iyi ndirimbo yayikoreye kwa Producer Lick Lick muri Unlimited Records.

Nyuma yaje gusohora indirimbo zindi ebyiri ari zo “Inyenyeri” yaririmbanye n’umuraperi Bull Dogg n’indi yise “Ndi Nde?” aheruka gukorana na Jody. Afite amashusho y’indirimbo “Inyenyeri” yaririmbanye na Bull Dogg. Arateganya gukora icyo bita “Rap” buri muntu azajya yumva akumva ko ari umuraperi, umuraperi w’icyitegererezo.

Uyu muhanzi ateganya kurushaho kwagura ibihangano bye bikamamara ku buryo umwaka wa 2012 uzarangira nibura bimaze kumenyekana henshi hashoboka mu Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .