Ntibyari bimenyerewe ko abahanzi bakora ibitaramo byo kumurika amashusho y’indirimbo, ariko kuri ubu byatangiye muri gahunda nshya yatangijwe na VJ Bissosso; Jules Sentore akaba ari we wabimburiye abandi amurika indirimbo ye “Dutaramane”.

Jules Sentorearateganyakumurika Album ye yamberetariki 25 Ukwakira muri Serena Hotel.

Iki gitaramo cyitabiriwe n’abantu benshi barimo abagize itorero Inganzo Ngari ryari ryaje kumutera ingabo mu bitugu, cyabereye mu mujyi wa Kigali ahitwa Zoom Side hamenyerewe ku izina ryo kwa Venant.

Muri iki gitaramo Jules Sentore yaririmbiye abakunzi be zimwe mu ndirimbo ze zigezweho, anaboneraho umwanya wo kwerekana aya mashusho ya “Dutaramane” yaririmbanye n’Icyogere mu Nkuba, Intore Masamba.

Uretse Jules Sentore na Masamba, muri aya mashusho yatunganyijwe na Black J Diddy hagaragaramo abahanzi Jody na Audy Kelly n’abagize itorero Inganzo Ngari bakunze kuba hafi uyu muhanzi Sentore.

Amashusho y’indirimbo Dutaramane:

Dore amwe mu mafoto y’uko igitaramo cyari cyifashe:

Umuhanzi Jules Sentore yaririmbye abantu barishima

Bamwe mu bagize Itorero Inganzo Ngari bari baje gushyigikira umuhanzi Jules Sentore muri iki gitaramo

Mc Tino yari ari muri iki gitaramo, aha yari ari gusetsa abantu agendeye kuri Jules Sentore

Jules Sentore yasekejwe cyane n'amagambo Mc Tino yamuvuzeho ko amaze imyaka icumi anywa "Coca-Cola"

Jules Sentore yasabwe na Mc Tino kuzamura icyo ari kunywa nuko Tino agira ati "Jules amaze imyaka icumi anywa Coca gusa"

Mc Tino, umwe mu banyarwenya basetsa cyane mu Rwanda

Jules Sentore yaririmbye anerekana bwa mbere amashusho y'indirimbo ye "Dutaramane" yaririmbanye na Masamba

Dore inyogosho ya Mc Tino

Abantu bari bitabiriye iki gitaramo cyabereye kwa Venant ari benshi

Jules Sentore yaririmbye abwira abafana be ko ateganya gukora igitaramo gikomeye kuwa 25 Ukwakira muri Serena Hotel

Umuhanzi M Izzo nawe yaboneyeho umwanya wo kumurika amashusho y'indirimbo ye nshya "Inkweto"

Ubwo M Izzo yaririmbaga indirimbo ye Inkweto, Vj Bissosso yavanyemo inkweto

Dj Bissosso watangije gahunda yo gukora ibitaramo byo kumurika amashusho y'indirimbo z'abahanzi muri Zoom Zone