Faycal arimo gukora indirimbo zikurikirana mu butumwa

Yanditswe na

Ally Muhawe

Kuya 5 Kamena 2012 saa 09:31
Yasuwe :
0 0

Umuhanzi Ngeruka Faycal ubu usigaye yitwa “Kode” aho agereye mu Bubiligi yakomeje muzika. Nyuma y’indirimbo “Like her” ubu arimo gukora izindi enye zitanga ubutumwa bukurikira ubwo yatanze mu indirimbo ye yise “Like her”.
Kuwa Kane tariki 31 Gicurasi 2012 aganira na IGIHE Kalisa Thierry umwe mu bagize kompanyi ikorana n’abahanzi (Label) yitwa “Chanson” umuhanzi Kode akoreramo, umaze icyumweru n’igice mu Rwanda, yavuze ko Kode arimo gukora indirimbo enye z’urukundo zizaza zivuga inkuru ikurikira iyo (...)

Umuhanzi Ngeruka Faycal ubu usigaye yitwa “Kode” aho agereye mu Bubiligi yakomeje muzika. Nyuma y’indirimbo “Like her” ubu arimo gukora izindi enye zitanga ubutumwa bukurikira ubwo yatanze mu indirimbo ye yise “Like her”.

Kuwa Kane tariki 31 Gicurasi 2012 aganira na IGIHE Kalisa Thierry umwe mu bagize kompanyi ikorana n’abahanzi (Label) yitwa “Chanson” umuhanzi Kode akoreramo, umaze icyumweru n’igice mu Rwanda, yavuze ko Kode arimo gukora indirimbo enye z’urukundo zizaza zivuga inkuru ikurikira iyo mu indirimbo “Like her”.

Kalisa yavuze ko ubu arimo gukora indirimbo ya mbere muri izo enye, iyi ndirimbo akaba arimo kuyikorera mu gihugu cya Espagne mu mujyi wa Barcelona.

Iyo ndirimbo izaba iririmba kuri wa mukobwa Kode yavuze muri “Like her” utagira uwo asa nawe, ngo bwo azaba avuga uburyo bakundanye. Maze mu zizayikurikira azakomeze avuga uko urukundo rwabo rumeze. “Like her” Faycal yavuye mu Rwanda amaze kuyikorerwa na Producer Clement, iza kunogerezwa mu Bufaransa, ndetse inakorerwa amashusho.

Uretse iby’izo ndirimbo, Kalisa yatubwiye ko Kode ubu agiye kugira “band” izajya imufasha gucuranga muzika mu buryo bw’umwimere, ngo kugeza ubu amaze kugira abacuranzi babiri b’abazungu.

Kode kuri ubu watangiye kwiga, yiga mu ishami ry’Ubumenyi bwa mudasobwa, amaze gukora ibitaramo bigera ku icumi, ndetse akaba anajya akorera ibitaramo muri salle nini y’I Buruseli muri icyo gihugu yitwa Bozar. Ubu akaba azitabira igitaramo cyo gushakisha nyampinga uzahagararira u Rwanda mu irushanwa Miss Supranational 2012 giteganyijwe kuzabera mu Bubiligi tariki 30 Kamena 2012.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza