Umuhanzi Kizito Mihigo yasabye abafana be bose ko bashyigikira umuhanzi Mani Martin bamutora mu marushanwa arimo ahagarariye u Rwanda ya Prix decouvertes 2013.
Abinyujije ku rukuta rwa Facebook, Kizito yagize ati “Maze gutora inshuti yanjye Mani Martin mu irushanwa rya Prix decouverte 2013: Nawe mutore unyuze hano: Tora Mani Martin azatsindire Prix decouverte 2013.”
Muri iki gihe hasigaye iminsi mike ngo gutora birangire, umuhanzi Mani Martin nawe yashyize ubutumwa kuri Youtube bugira buti “Ndifuza gusaba umunyarwanda wese n’uwumva uru rurimi mvuga kuntora mu marushanwa ya Prix decouverte 2013.”
Yongeraho ati “Ndabasaba kunshyigikira kuko gutsinda aya marushanwa ni ishema ryanjye ubwanjye, ni n’ishema ry’umuziki nyarwanda ndetse na buri munyarwanda wese. Nyabuneka muntore mushyigikira umuziki wacu cyane cyane ko hasigaye iminsi mike, gutora bizasozwa ku itariki ya 19 Ukwakira.”
Batatu bazagera mu cyiciro cya kabiri muri aya marushanwa ya Prix decouverte 2013 bazahabwa igihembo cy’amayero 1000 (ni ukuvuga amafaranga arenga ibihumbi magana acyenda y’u Rwanda) naho uzaba uwa mbere we azegukana amayero 10,000 (ni ukuvuga miliyoni zirenga icyenda z’amafaranga y’u Rwanda) anakorerwe ibitaramo binyuranyendetse n’ibihangano bye bicurangwe cyane kuri TV5 Monde, France 24, RFI n’ahandi, ari naho buri wese yakwifuriza Mani Martin kugaragara aririmba mu Kinyarwanda.
Kanda HANO utore Mani Martin muri Prix decouverte 2013
Tora Mani Martin [Ikinyarwanda]:
Tora Mani Martin [Icyongereza]:
Tora Mani Martin [Igifaransa]:
TANGA IGITEKEREZO