Ali Kiba yifashe video aririmba indirimbo za Meddy

Yanditswe na

Munyengabe Murungi Sabin

Kuya 3 Werurwe 2016 saa 09:53
Yasuwe :
0 0

Umunyatanzaniya Ally Salehe Kiba wamamaye nka Ali Kiba mu muziki yongeye kwerura ko yiyumvamo umuziki wa mugenzi we Meddy wo mu Rwanda, yifashe video aririmba “Nasara” na “Burinde Bucya”.

Ali Kiba uhanganye na Diamond muri iki gihe, yakanyujijeho muri Afurika y’Uburasirazuba mu myaka yatambutse. Indirimbo zatumye aba icyamamare harimo Mac Muga, Usiniseme, Cinderella n’izindi.

Muri iyi minsi Ali Kiba wiyita ‘King Kiba’ akunzwe mu ndirimbo ‘Mwana’ n’indi yitwa ‘Chekecha’. Afite n’indi nshyashya yitwa “Lupela” nayo iri mu zikunzwe cyane iwabo.

Ku mbuga nkoranyambaga Snapchat na Instagram, hari kuzenguruka amashusho ya Ali Kiba ari mu modoka yumva anaririmba indirimbo “Burinde Bucya” na “Nasara” za Meddy.

Meddy na we yashyize izi videos kuri Instagram ashimira Ali Kiba ndetse avuga ko amufata nk’umuhanzi w’igihangange yubaha.

Ali Kiba yavuze ko yiyumvamo indirimbo za Meddy

Mu kiganiro aherutse kugirana na IGIHE ubwo yari i Kigali, Ali Kiba yavuze ko mu baririmbyi bo mu Rwanda yiyumvamo cyane Meddy ndetse ngo amubonamo ubuhanga bukomeye.

Meddy yashimishijwe no kubona Ali Kiba aririmba "Nasara" na "Burinde Bucya"

Indirimbo “Nasara” Ali Kiba yaririmbye imaze kurebwa inshuro 1, 109, 983 kuri YouTube, ni nayo ya mbere y’umuhanzi uririmba ku giti cye yujuje miliyoni mu Rwanda. “Burinde Bucya” na yo irasatira miliyoni kuko imaze kurebwa inshuro 894, 002.

Ali Kiba aririmba "Burinde Bucya"


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza