Kuva kuri uyu wa mbere tariki ya 27 Gicurasi 2013, Asinah, umukobwa w’inshuti (girlfriend) y’umuraperi Riderman arwariye mu bitaro byitiriwe umwami Fayisali biri Kacyiru. Arwaye Typhoide.

Riderman aganira n’umunyamakuru wa IGIHE yamubwiye ko ku mugoroba wo kuri uyu wa Mbere Asinah yaje mu bitaro avuga ko yumva atamerewe neza nuko ahageze bahita bamwandikira ko agomba kugumamo akavurwa.

Kuri ubu Asinah afite serumu kandi ari gufata imiti. Riderman ni umwe mu bari kurwaza no kwitaho uyu mukobwa w’inshuti ye.

Mu ntangiriro z’uyu mwaka byavuzwe ko Riderman yaba yari yatandukanye n’iyi nshuti ye ariko ahita yihutira kubinyomoza avuga ko bagikundana.

Uretse uyu mukobwa, utunganya amashusho Fayzo nawe yari amaze iminsi arwaye indwara ya typhoide mu bitaro bizwi ku izina ryo kwa Kanimba, gusa nawe kuri uyu wa Kabiri yasezerewe.

Ibindi byamamare byari byibasiwe n’uburwayi harimo Mico The Best, Nizzo wo muri Urban Boyz na Fireman uheruka kugira impanuka.

Asinah umukunzi wa Riderman urwariye mu bitaro byitiriwe Umwami Fayisali

Riderman na Asinah basangiye akabisi n'agahiye; aha bakatanaga umutsima mu kwizihiza isabukuru y'amavuko