00:00:00 IGIHE NETWORK KN KINYARWANDA EN ENGLISH FR FRANCAIS

Sat-B, ukunzwe mu Burundi, yatunguwe no gusanga indirimbo z’iwabo zitagicurangwa mu Rwanda

Yanditswe na

Richard IRAKOZE

Kuya 1 February 2012 saa 07:05
Yasuwe :

Umuhanzi waririmbye indirimbo zakunzwe cyane mu Burundi nka "Sinyorita", "Inkuru y’ukuri", "Bujumbura So"(igezweho ubu) n’izindi avuga ko yatangajwe no kuba yarasanze mu Rwanda hatagicurangwa indirimbo z’Abarundi nka kera, bityo ahitamo kubyutsa umubano akorana indirimbo n’abahanzi bakunzwe mu Rwanda.
Uyu muhanzi wihise ukorana indirimbo yitwa ‘Nkingurira’ n’umuhanzi Tom Close bafatanije na Uncle Austin yujuje icyumweru mu Rwanda kuri uyu wa Gatatu tariki ya 01 Gashyantare 2012.
Sat-B, ukundwa (...)

Umuhanzi waririmbye indirimbo zakunzwe cyane mu Burundi nka "Sinyorita", "Inkuru y’ukuri", "Bujumbura So"(igezweho ubu) n’izindi avuga ko yatangajwe no kuba yarasanze mu Rwanda hatagicurangwa indirimbo z’Abarundi nka kera, bityo ahitamo kubyutsa umubano akorana indirimbo n’abahanzi bakunzwe mu Rwanda.

Uyu muhanzi wihise ukorana indirimbo yitwa ‘Nkingurira’ n’umuhanzi Tom Close bafatanije na Uncle Austin yujuje icyumweru mu Rwanda kuri uyu wa Gatatu tariki ya 01 Gashyantare 2012.

Sat-B, ukundwa gutumirwa mu bitaramo hafi ya byose bikomeye mu Burundi kubera uko akunzweyo muri iki gihe, avuga ko ateganya guhita akorana indirimbo n’abandi bahanzi bakunzwe mu Rwanda barimo Kamichi, Knowless, Jay Polly, Riderman n’abandi.

Akavuga ko nibura gukorana indirimbo nabo bizatuma ibihangano by’iwabo byongera gucurangwa cyane mu Rwanda.

Ikiganiro Sat-B yagiranye n’umunyamakuru Richard IRAKOZE (IGIHE.TV)

Sat-B avuga ko mbere yo kuza mu Rwanda yari yarabwiwe ko mu Rwanda batagicuranga cyane ibihangano by’Abarundi ariko akavuga ko byamutangaje cyane asanzeibyo yabwirwaga ari kobiri nk’uko yabitangarije IGIHE.com.

Sat-B avuga ko yahise asobanukirwa imwe mu mpamvu mu Burundi uyu muco wo kudacuranga indirimbo z’ibindi bihugu (nk’uko mu Rwanda yasanze ari wo uhari) ugenda urushaho kuzamuka. Gusa akavuga ko mu Burundi ho bagicuranga zimwe mu ndirimbo z’abahanzi bagezweho mu Rwanda n’ubwo inyinshi mu zicurwanga ku maradiyo n’izivugwaho mu bitangazamakuru ziba ari iz’indundi.

Yagize ati:”Abarundi muri ino minsi, atari kera, basigaye bazi ko ngaha mu Rwanda batakivuza indirimbo z’Abarundi, nico gituma muri ino minsi hariya mu Burundi indirimbo zo mu Rwanda zisa nk’izi hasi; zaragiye hasi (down) iz’abarundi iz’abarundi nizo ziri hejuru”.

Akavuga ko ari nayo mpamvu ibihugu byombi abona ko byari bikeneye imigenderanire myinshi mu rwego rw’ubuhanzi kugira ngo iki kibazo birusheho gukosorwa.

Uyu muhanzi avuga ko uru rugendo rwe mu Rwanda ruzatuma iki kibazo cyo kudacuranga indirimbo z’abahanzi bo mu bihugu by’ibivandimwe [ibihugu bibanyi] azagerageza kugikemura yifashishije impano ye agakorana n’abahanzi benshi bakunzwe mu Rwanda bityo indirimbo zigacurwangwa ku mpande zombi.

Yagize ati:”Naje ngaha gukorana n’abahanzi bo mu Rwanda bakunzwe kugira ngo mbashe gukura ibikorwa ngaha ndahasize ibikorwa vyanje… nkeneye ko imigenderanire yacu yaba myiza”.

Umuhanzi Tom Close aheruka gukorana n’umuhanzi w’umurundi witwa Big Fizzo indirimbo bise ‘Baza’, imwe mu ndirimbo zacuranzwe cyane mu Burundi no mu Rwanda.

Sat-B aje gukorana indirimbo n’abahanzi b’Abanyarwanda nyuma y’aho undi muhanzi uri mu bakunzwe mu Burundi, Rally Joe, nawe yerekeje muri Kenya gukorana indirimbo n’umuhanzi Kidum.

Sat-B abyarwa n’umubyeyi w’umunyarwandakazi.

Menya amateka ya Sat-B, unumve zimwe mu ndirimbo ze zikunzwe mu Burundi ukanda HANO.

umva indirimbo Nkingurira ya Sat-B, Tom Close na Uncle Austin hano.

Sat-B ari gucuranga gitari akikijwe na Tom Close ndetse na Producer Chris bakora indirimbo "Nkingurira"
Producer Clement Ishimwe (i bumoso) Sat-B na Producer Meddy Saleh


KANDA HANO USHOBORE KUMVA
  BUJUMBURA SO By Sat-B

Kwamamaza

Kwamamaza

Izindi nkuru wasoma

Inkuru ziheruka - Amakuru

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .