00:00:00 IGIHE NETWORK KN KINYARWANDA EN ENGLISH FR FRANCAIS

The Ben agiye gukorera igitaramo mu Buholandi

Yanditswe na Munyengabe Murungi Sabin
Kuya 8 June 2016 saa 08:51
Yasuwe :

The Ben ukunzwe muri iyi minsi mu ndirimbo “Ntacyadutanya” ategerejwe mu gitaramo gikomeye kizahuza Abanyarwanda batuye mu Buholandi muri Nyakanga 2016.

Igitaramo The Ben azitabira mu Buholandi cyateguwe na Ambasade y’u Rwanda muri iki gihugu, kizahuriramo Abanyarwanda batuye mu mijyi itandukanye no mu bihugu bihana imbibi cyo kimwe n’inshuti zabo.

The Ben yabwiye IGIHE ko amaze igihe akora imyitozo yo kuririmba mu buryo bwa live ndetse ngo azagerayo mbere y’iminsi ibiri ngo kibe.

Ati “Ni igitaramo cyateguwe na Ambasade y’u Rwanda mu Buholandi, barantumiye ngo nze kwifatanya nabo mu gukomeza kuryoherwa n’ibirori byo kwizihiza Kwibohora. Igitaramo kizaba ku itariki ya 9 Nyakanga 2016.”

Yavuze ko ari ishema ryinshi kuba yaratumiwe n’Abanyarwanda batuye mu mahanga, ngo bizamubera umwanya mwiza wo kongera kwiyereka abari bamaze imyaka myinshi bakumbuye kumubona.

Ati “Navuga ko ari ibintu bikomeye cyane kuri njyewe, ni ibintu byanshimishije cyane. Nari maze igihe kirekire batambona, hari na benshi mu batuyeyo navuga ko bamaze imyaka myinshi batambona ndirimba. Muri icyo gitaramo niteguye kuzabashimisha.”

The Ben azagera mu Buholandi kuwa 7 Nyakanga 2016 hanyuma igitaramo kizabe ku itariki ya 9 Nyakanga.

Nava kuririmbira mu Buholandi, The Ben azashyira hanze indirimbo nshya yise “Habiba”, yakorewe mu Bubiligi ubwo aherutse kujyayo kuhakorera igitaramo.

The Ben yiteguye kujya gukorera igitaramo mu Buholandi

Ati “Habiba yakozwe na Producer Pastor P, ni umwe mu bahanga dufite mu gihugu, yayishyizemo imbaraga kandi ndakeka abafana banjye izabaryohera.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .