00:00:00 IGIHE NETWORK KN KINYARWANDA EN ENGLISH FR FRANCAIS

The Ben na Diamond batumiwe mu bihembo bikomeye muri Amerika

Yanditswe na

Munyengabe Murungi Sabin

Kuya 4 September 2015 saa 10:50
Yasuwe :

Abahanzi The Ben na Diamond Platnumz batumiwe mu muhango ukomeye wo gutanga ibihembo byitwa ‘Africa Entertainment Awards USA’ ku bahanzi b’ibihangange muri Afurika bizaba ku itariki ya 31 Ukwakira 2015.

Ibihembo Africa Entertainment Awards USA bitangwa ku bahanzi bo muri Afurika harebwe ibyiciro bitandukanye, haba abakorera umuziki kuri uyu Mugabane no muri Diaspora kandi mu ngeri zose: Afrobeats, Assiko, Bongo, Decale, Funana, Genge, Highlife, Hiplife, Kwaito, Lingala , Soukous n’izindi.

Nk’uko bigaragara ku rubuga rw’ibi bihembo, mu bahatana uyu mwaka, harimo amazina akomeye azwi ku rwego rw’Isi nka P Square, Davido, Sarkodie, Eddy Kenzo, Wizkid, Sauti Sol n’abandi benshi cyane.

Mu cyiciro cya Best International Artist harimo abahanzi bubatse izina ku Isi Beyonce, Chris Brown, Nicki Minaj, R.Kelly na Ed Sheraan.

Mu muhango wo gutanga ibi bihembo, hari abahanzi bakomeye bazaririmbamo bamaze guhabwa impapuro z’ubutumire barimo Diamond , Eddy Kenzo, Fally Ipupa ndetse na The Ben[Umunyarwanda ukorera umuziki i Chicago].

Ku ruhande rwa The Ben, ngo aya ni amahirwe akomeye ahawe mu buzima ndetse ngo yiteguye kuzayabyaza umusaruro ufatika izina rye rikamamara kurushaho yifashishije ibi byamamare azaririmbira kuri uwo munsi.

Yagize ati “Ni iby’igiciro gikomeye, ibi bihembo birimo abahanzi navuga ko ari hafi ya bose mu bakomeye muri Afurika, hakiyongeramo n’abo ba Beyonce. Nzabibyaza umusaruro uko nshoboye, nzaba ndi kumwe n’abo bahanzi, urumva ko hari icyizere"

"Kuba abategura ibi bihembo barantumiye, ni ikimenyetso cy’uko hari akazi nakoze kuko abo nzaririmbira ni abantu bubashywe mu muziki wo ku Isi”

The Ben yamenyeshejwe ko azaririmba indirimbo ebyiri, ariko by’umwihariko abamutumiye bamusabye kuzaririmba iyitwa ‘I Can See’.

The Ben ngo yiteguye kubyaza umusaruro amahirwe yahawe

The Ben atumiwe muri ibi bihembo nyuma y’uko muri Kamena 2015 yagizwe Ambasaderi w’Umuryango nyafurika African Women in Leadership Organisation (AWLO) uhuriwemo n’abagore bari mu nzego z’ubuyobozi, abikorera ku giti cyabo, abayobozi b’ibigo, ba rwiyemezamirimo n’ibindi byiciro bitandukanye.

Mu ntego abategura ibi bihembo bafite, harimo guteza imbere umuziki wa Afurika ukamenyekana ku Isi, kuzamura impano z’abahanzi bakorera muri Diaspora, guhangana n’ibibazo Abanyafurika bahura nabyo muri Amerika, gukora Afurika yunze ubumwe n’ibindi.

Diamond na we ari mu bahanzi bamaze guhabwa ubutumire bwo kuzaririmba

Ibi bihembo bizatangirwa mu Mujyi wa New York ku itariki ya 31 Ukwakira 2015.

Mugisha Benjamin asigaye akorera umuziki i Chicago

REBA ’KO NAHINDUTSE’ YA THE BEN


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .