00:00:00 IGIHE NETWORK KN KINYARWANDA EN ENGLISH FR FRANCAIS

The Ben yagizwe Ambasaderi w’umuryango nyafurika w’abagore mu buyobozi

Yanditswe na

Munyengabe Murungi Sabin

Kuya 24 June 2015 saa 12:18
Yasuwe :

Mugisha Benjamin, Umunyarwanda ukorera umuziki muri Amerika yagizwe Ambasaderi w’Umuryango nyafurika uhuriwemo n’abagore bari mu nzego z’ubuyobozi, abikorera ku giti cyabo, abayobozi b’ibigo, ba rwiyemezamirimo n’ibindi byiciro bitandukanye.

Kuri uyu wa Kabiri tariki ya 23 Kamena 2015 nibwo komite nyobozi y’umuryango African Women in Leadership Organisation (AWLO) yateraniye i Atlanta muri Georgia hatangizwa ubukangurambaga bwo kwita ku bagore n’abana bari mu buzima bubi cyane cyane bo muri Afurika(#1mother1child).

Ubuyobozi bw’uyu muryango kandi burangajwe imbere n’uwawushinze, Umunya-Nigeria Elisha Attai bwemeje ko umuhanzi w’Umunyarwanda The Ben aba Ambasaderi wawo mu bikorwa bitandukanye uzajya ukorera hirya no hino ku Isi.

The Ben amaze gusinya aya masezerano, Elisha Attai yahise yandika ku rubuga rwa Facebook avuga ko bishimiye kuba baguye imikorere yabo. Ubufatanye bwabo na The Ben ngo buzatuma byinshi mu bikorwa byabo birushaho kugera kure by’umwihariko mu bihugu uyu muhanzi azwimo.

Ku ruhande rwa The Ben, yavuze ko ari intambwe ikomeye cyane ateye kuba umuryango ukomeye ku rwego rwa Afurika umuhitamo ngo abe mu bahanzi b’ibikomerezwa AWLO ikorana na bo.

Yagize ati “Ni ibintu bikomeye cyane, hari abandi bahanzi bakomeye muri Afurika uyu muryango ukorana na bo, njye ndi mushya. Benshi muri Nigeria bakorana n’uyu muryango […] nanjye nk’Umunyarwanda nkeka ko hari byinshi nzungukiramo ndetse nanjye nkabafasha byinshi”

Elisha Attai uyobora AWLO ari kumwe na The Ben wagizwe Ambasaderi

Yongeyeho ati “Ni ibintu binshimishije cyane kuko muri kamere yanjye nkunda kuba igisubibo muri sosiyete.”

Amasezerano The Ben yasinyanye na African Women in Leadership Organisation azamara umwaka umwe gusa ngo ashobora kuzavugururwa.

Uyu muryango washinzwe n’ Umunya-Nigeria Elisha Attai mu mwaka wa 2009, ugamije guha ingufu umugore by’umwihariko abo muri Afurika mu nzego z’ubuyobozi. Imwe mu ntego nyamukuru yawo kandi harimo guteza imbere uburinganire n’iterambere ry’umuryango.

Elisha Attai hamwe na bamwe mu bayobozi b'uyu muryango ubwo batangizaga ubukangurambaga bwa #1Mother1Child

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .