Mu gitondo cyo kuri uyu wa Kabiri tariki ya 8 Ukwakira 2013, itsinda rya Urban Boyz ryahagurutse i Buruseri bagaruka i Kigali mu Rwanda.

Ifoto ya yafotowe mu gitondo cyo kuri uyu wa Kabiri; Urban Boyz mbere gato y’uko burira indege Zaventem (Ku kibuga cy’indege i Buruseri mu Bubiligi) bagaruka i Kigali

Aba bahanzi ubusanzwe bateganyaga kubanza kwerekeza mu bindi bihugu byo mu Burayi gukoranayo indirimbo n’umwe mu bahanzi bakomeye barimo Corneille Nyungura, ufite inkomoko mu Rwanda, cyangwa se uwitwa Azawa.

Gusa amakuru dukesha mugenzi wacu, Karirima A. Ngarambe, umunyamakuru wa IGIHE mu Bubiligi, avuga ko izi gahunda zahindutse, ahubwo ko nyuma yo kuririmba bahisemo guhita bagaruka i Kigali.

Justin Karekezi, wateguye iki gitaramo, yabwiye IGIHE ko Urban Boyz ari bo bisabiye guhindurirwa amatike y’indege akigizwa imbere, kubera igitaramo gikomeye bateganya kuririmbamo i Kigali.

Iyi akaba ari nayo mpamvu bahisemo guhita bagaruka, aho kujya gukora izindi ngendo z’ubutembere no gukorana indirimbo n’abandi bahanzi mu Burayi.

Biteganijwe ko bagera ku kibuga mpuzamahanga cy’indege i Kanombe hagati ya saa kumi n’ebyiri z’umugoroba na saa moya n’igice z’umugoroba (6:30PM-7:30PM)

Aba bahanzi, bari bagiye mu Bubiligi batumiwe mu gitaramo cyo gutora Nyampinga na Rudasumbwa b’u Rwanda muri iki gihuigu, bitwaye neza nk’uko umunyamakuru wacu yabyanditse.

Uko igitaramo cyagenze mu mafoto:

Urban Boyz baririmbiye abakunzi babo muri iki gitaramo

Urban Boyz bataramye baririmba indirimbo zabo zikunzwe karahava

Humble na Safi baririmba; bagaragaje akanyamuneza bari bafite ko gutarama bwa mbere i Burayi

Urban Boyz baririmbye bashimisha abafana

Iki gitaramo, Urban Boyz baririmbye bacurangirwa LIVE

Abafana bari benshi kandi bagaragaza ko bishimiye iki gitaramo

Nizzo ari kuririmbira hafi y'ibyuma byabacurangiraga LIVE

Nizzo, uheruka kugirana ubushyamirane na Muyoboke kubyo kutiga kwe, aseka amwenyura agaragaza ko anyuzwe n'uko abafana bakiriye Urban Boyz

Safi areba mugenzi we Humble, baririmbira abafana bari bakubise buzuye

Benshi mu bafana bifuzaga kwifotorera amafoto yabo bwite ya Urban Boyz i Buruseri mu Bubiligi

Urban Boyz baririmbye babira ibyuya

Abafana bageze aho bakurura Urban Boyz bashaka kubakoraho

Safi, umwe mu nkingi za mwamba z'itsinda rya Urban Boyz

Abafana bari benshi baririmbana na Urban Boyz

Abafana ba Urban Boyz bagaragaje ko bishimiye iri tsinda

Foto: Karirima A. Ngarambe/IGIHE-Belgique