Zouzou Zoulaika mu njyana ya zouk n’indirimbo ’Umuvandimwe’

Yanditswe na

Richard IRAKOZE

Kuya 23 Mutarama 2012 saa 01:16
Yasuwe :
0 0

Mu mpera z’iki cyumweru turangije nibwo umuhanzikazi Zouzou Zoulaika yasohoye indirimbo ‘Umuvandimwe’ yatuye musaza we Nduwumwe Farouk kuri ubu ubarizwa muri Leta Zunze Ubumwe z’Amerika.
Iyo ndirimbo iri mu njyana ya zouk, ikaba yarakorewe muri Celebrity Music kwa Producer Jimmy. Zouzou Zoulaika avugamo urukumbuzi afitiye uwo musaza we n’urukundo amukunda, dore ko ariwe wamureze ubwo ababyeyi be bombi batabarukaga.
Amwe mu magambo yakoreshejemo ni ayo musaza we akunda kumubwira iyo (...)

Mu mpera z’iki cyumweru turangije nibwo umuhanzikazi Zouzou Zoulaika yasohoye indirimbo ‘Umuvandimwe’ yatuye musaza we Nduwumwe Farouk kuri ubu ubarizwa muri Leta Zunze Ubumwe z’Amerika.

Iyo ndirimbo iri mu njyana ya zouk, ikaba yarakorewe muri Celebrity Music kwa Producer Jimmy. Zouzou Zoulaika avugamo urukumbuzi afitiye uwo musaza we n’urukundo amukunda, dore ko ariwe wamureze ubwo ababyeyi be bombi batabarukaga.

Amwe mu magambo yakoreshejemo ni ayo musaza we akunda kumubwira iyo amuhamagaye kuri telefone amuhumuriza, akaba aririmbwa n’umuhanzi Daddy Cassanova witabajwe muri iyi ndirimbo ubwo yari mu Rwanda mu ntangiriro z’uyu mwaka.

Zouzou Zoulaika

Tuganira na Daddy Cassanova, yadutangarije ko yishimiye kugira uruhare muri iyi ndirimbo kubera impamvu ebyiri: Iya mbere ni uko asanzwe ari inshuti ya Zouzou Zoulaika biganye bakanaturana igihe kinini; indi mpamvu ni uko Nduwumwe Farouk ariwe mwarimu yakunze mu bamwigishije bose mu mashuri yisumbuye.

Ati “ N’ubu kuba yaragiye kwigisha muri Kaminuza ya Colorado ntibyantunguye kuko ubwarimu bwamuberaga cyane, kandi nawe yarabikundaga.”

Daddy Cassanova

Ku ruhande rwe, Zouzou Zoulaika yadutangarije ko yishimiye gukorana na Daddy Cassanova asanzwe afata nka musaza we, akaba anamwubaha nk’umuhanzi w’umuhanga, cyane cyane mu njyana ya zouk. Yashimiye kandi Producer Jimmy n’umucuranzi Modeste bamufashije cyane mu ikorwa ry’iyi ndirimbo.

Kanda kuri ZOUZOU ZOULAIKA wumve iyi ndirimbo unamenye uko yinjiye mu buhanzi.

Iyi ndirimbo ni iya kane ya Zouzou Zoulaika, nyuma y’iyitwa ‘True Love’ iri mu njyana ya RnB na ‘What Can I Do?’ iri mu njyana ya rock. Indi ni iy’icyunamo yitwa ‘Turabatashya’ yahimbye wenyine ariko akayiririmbana na Lil G, Christian Rwirangira, Uncle Austin, Emmy, Kizito Mihigo na Masamba Intore.

Ku byerekeye imishinga afite muri muzika, uwo muhanzikazi unasanzwe uzwi mu guhimba imivugo yatangaje ko yitegura gushyira ahagaragara amashusho y’iyi ndirimbo ‘Umuvandimwe’. Arateganya kandi gukora album izaba igizwe n’indirimbo 9, aho azafatanya n’abahanzi nka Badox, Masamba, Ben Kayiranga, Kidumu n’abandi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .