Kanobana Judo, umwe mu Banyarwanda bakorana bya hafi n’abahanzi mu kubateza imbere no gutegura ibitaramo bikomeye, agaya cyane abahanzi biyita amazina y’abahanzi bakomeye b’ Abanyamahanga cyangwa bakiyita andi mazina y’ibikomerezwa, ibyo bigateza urujijo.
Mu kiganiro IGIHE yagiranye na Kanobana Judo ubwo yari mu ruzindiko rw’akazi mu Busuwisi avuga ko aya mazina biyita atuma abashoramari cyangwa abandi bantu baba basabwe gukorana n’aba bahanzi bahita babyemera batazuyaje, gusa ngo iyo aba bamaze kumva ibihangano by’aba bahanzi bumva nta buryohe n’ubuhanga bifite, mu gihe amazina babwiwe bumvaga azwi.
Ikindi ngo gitera ikibazo ni ukuntu bamwe muri abo bahanzi usanga mu ndirimbo zabo nta mwimerere urimo, aho indirimbo isa nk’ aho ari iyo bakopeye bagahindura amagambo. Ibi bikaba ngo biterwa no kudaha umwanya igihe cyo guhanga, bagashaka kumenyekana vuba kandi batabivunikiye, bigatuma ibihangano byabo bita agaciro vuba.
Kanobana yakomeje avuga ko we asanga kwitwa izina ry’ Ikinyarwanda ku muhanzi nyarwanda bishobora kumuhesha icyubahiro kurusha kwitwa amazina y’abanyamahanga atera urujijo.
TANGA IGITEKEREZO