Ku mugoroba wo kuri uyu wa Gatanu tariki ya 4 Ukwakira, Studio ya Bridge Records yerekanye umuyobozi mushya wayo witwa Tuyishime Karim, uje asimbura Dj Theo uherutse kwandika ibaruwa asezera ku mirimo.

Karim, umuyobozi mushya wa Bridge Records

Herekanywe kandi abahanzi Naason, Fireman na Danny Vumbi nk’abamaze gusinya amasezerano yo gukorana n’iyi nzu. Herekanywe kandi na Producer Junior nawe uri gukorana n’iyi nzu mu gihe cy’imyaka itatu nk’utunganya indirimbo.

Karim, wari usanzwe ari umucungamutungo muri Bridge yavuuze ko bazanye imikoranire mishya, ati “Dutangiranye n’aho Dj Theo yari agejeje, ubu tugiye kongera imbaraga mu mikorere myiza dukorane n’aba bahanzi mu kugaragaza umuziki mwiza kandi ugere kure”.

Karim yavuze ko ubu bamaze gusura aba bahanzi bose, mu rwego rwo kurushaho kunga ubumwe no kongera umubano hagati yabo.

Aba bahanzi babwiye IGIHE ko bishimiye gusinya amasezerano muri Bridge, kandi ko bagiye gukora iyo bwabaga bakagera kure.

Umuhanzi Naason

Umuhanzi Danny Vumbi wahoze muri the Brothers; ubu nawe arabarizwa muri Bridge

Umuraperi Fireman wo muri Tuff Gang

Producer Junior utunganya indirimbo muri Bridge

Umva ikiganiro kirambuye Bridge Records yagiranye na IGIHE: