Iri tsinda ritegerejwe mu gitaramo bise “The Blu*3 Reunion” giteganyijwe tariki 14 Ukuboza mu 2023 mu mujyi wa Kampala kuri Protea Skyz Hotel.

Iyi nkuru nziza ku bakunze indirimbo zirimo “Hitaji”, “Nzijukira”, “Where You Are”, “ Burn”, n’izindi yemejwe na Lilian Mbabazi abinyujije ku mbuga nkoranyambaga ze.

Yamenyesheje abakunze umuziki w’aba bagore ko bahura bakiyibutsa ibihe banyuranyemo n’iri tsinda mu myaka isaga 20 ishize.

Yagize ati “Muze twiyibutse bya bihe kandi dusakaze urukundo.”

Uku kwihuza kubayeho nyuma yaho mu 2018 Cindy Sanyu wabanje kuva muri iri tsinda atangarije ko yiteguye gukora igishoboka cyose Blu*3, ikongera kuririmbana nyuma yo gusanga nta n’umwe muri bo wageze ku byo bagezeho bagikorana ari batatu.

Blu*3 yihuje mu 2004 nyuma yo kwitabira irushanwa rya Coca Cola Popstars.

Iri tsinda ryegukanye ibihembo bitatu bya PAM Awards, bibiri bya Kisima Awards, Channel O Music Video Awards, batandukanye bamaze gukora album ebyiri Hitaji (2004) na Burrn (2007).

I hope y’all ain’t joking!! https://t.co/H1S8pHURiq

— Sheilah C Gashumba (@SheilahGashumba) December 6, 2023

Umva “Hitaji” imwe mu ndirimbo za Blu*3 zakunzwe

“Where you are” indirimbo Blu*3 yahuriyemo na GoodLyfe

Abagize Blu*3 bagiye guhurira ku rubyiniro rumwe nyuma y'imyaka 15 batandukanye