Ibi byabereye mu gitaramo aba banyamuziki bahuriyemo cyateguwe na Symphony Band batumira umuhanzikazi Ariel Wayz babanye mu itsinda, bongera kwiyibutsa ibihe byiza bagiranye bacyinjira mu muziki nyuma y’amasomo bakuye mu ishuri rya muzika ryahoze ku Nyundo.

‘Fantasy Music Concert’ ni igitaramo cyabaye kuri uyu wa 05 Ugushyingo 2022 nyuma y’imyaka ibiri havugwa umwuka mubi hagati ya Ariel Wayz n’itsinda rya Symphony Band.

Iki gitaramo cyari kiyobowe n’umunyarwenya Michael Sengazi cyitabiriwe n’abibyamamare nka Miss Ingabire Grace ufite ikamba rya Miss Rwanda 2021, Umuhanzi Peace Jolis, Micheal Makembe , Juda Muzik, Kevin Kade, Babo Ekeight, Dj Brianne n’abandi.

Nyuma y’umuziki wa Dj Fiston n’abanyeshuri bo ku ishuri rya muzika na Inki , Symphony Band yahise yinjira ku rubyiniro abakunzi b’umuziki bava mu byabo bigira imbere basanganira iri tsinda.

Iri tsinda ryifashishwa cyane mu gucurangira abahanzi benshi mu bitaramo bibera mu Rwanda no hanze yarwo, ryatangiye ricuranga uruhererekane rw’indirimbo zitandukanye mu buryo bwa live ku buryo ubumva yahitaga amenya indirimbo bagezeho akaba ariwe uyiririmbira anabyina uko abishoboye.

Nyuma y’iminota 30 bamaze bacuranga, Symphony Band yahamagaye Dj Ira wakoresheje ubuhanga bwe mu kuvanga umuziki.

Nyuma y’umwanya muto Symphony Band yahise itangira kuririmba zimwe mu ndirimbo zayo zirimo Ide, My day, Vanilla n’izindi.

Mbere y’uko bahamagara umuhanzikazi Ariel Wayz , umwe mu bagize iri tsinda (The Major) yafashe indangururamajwi abwira abari babakurikiye ko aribwo bagiye gutangira noneho.

Yagize ati “Noneho reka dutangire , dusubire aho byatangiriye, Ariel Wayz ndabona aza hano, ikaze.”

Bahise baririmbana indirimbo bakoze bakiri kumwe bise ‘Igitabo’ nyuma bamuha umwanya ariramba wenyine, banamucurangira zimwe mu ndirimbo ze zirimo Lavida loca, Away, Good Luck, You Should know n’izindi.

Ariel Wayz yavuye ku rubyiniro ashimira abakunzi be ndetse n’abagize itsinda rya Symphony Band ryakomeje gucuranga by’umwanya muto bongera kumuhamagara baririmbana indirimbo bise ‘Respect’ ari nayo yasoje iki gitaramo cyaberaga kuri ‘Institut Français ’

Ushaka kureba andi mafoto y’ibyaranze iki gitaramo wanyura hano

Reba hano uko iki gitaramo cyagenze mu mashusho

Umuhanzi Babo yari yaje gushyigikira abahanzi bagenzi be

Miss Ingabire Grace yanyuzwe n'umuziki yacurangiwe kuva igitaramo kigitangira

Peace Jolis yari yatwawe n'umuziki wa Symphony Band

Nyuma y'imyaka ibiri ataririmbana na Symphony Band bongeye gusangira urubyiniro rumwe bataramira abakunzi babo

Miss Ingabire Grace ufite ikamba rya Miss Rwanda 2021 yanyuzagamo akabyina uko abishoboye

Junior umwe mu bagize itsinda rya Juda Muzik yari yatwawe n'umuziki wa Symphony Band

Joachim (The Major) ubarizwa mu itsinda rya Symphony Band

Inkweto Ariel Wayz yaserukanye muri iki gitaramo

Inki yanyuze abakunzi b'umuziki wa live

Iki gitaramo cyitabiriwe n'ab'ingeri zitandukanye

Ibyinshimo byageraga kuri buri wese wageze muri iki gitaramo

Frank (Double bass) ubarizwa mu itsinda rya Symphony Band yigaragaje kuri guitar bass

Etienne nawe ni umwe mu bagize iritsinda rya Symphony Band

Dj Ira yafatanyije na Symphony Band muri iki gitaramo

Darest umwe mubagize itsinda rya Juda Muzik yari yaje gushyigikira abahanzi bagenzi be

Byari ibyishimo kongera kubona aba banyamuziki baririmbana

Byari ibyishimo bidasanzwe kuri Ariel Wayz wongeye guhura na Symphony Band

Buri wese yabyinaga uko abishoboye

Bamwe mu banyeshuri ba muzika bagaragaje ubuhanga bwabo muri iki gitaramo cya bakuru babo

Bamwe bageze aho bikura amashati babyina umuziki bisanzuye

Ariel Wayz yanejewe no kongera gucurangirwa na Symphony Band

Ariel Wayz yakoresheje imbaraga nyinshi mu gutanga ibyishimo ku bakunda ibihangano bye

Akanyamuneza kari kose ku babashije kugera muri iki gitaramo

DJ Ira yashimishije abitabiriye iki gitaramo

Amafoto: Prince Munyakuri