Umuhanzi Katihabwa (Nzeyimana) Michelle Samantha wo mu Burundi, witabiriye amarushanwa ya Tusker Project Fame 5, anaza ku mwanya wa kabiri ishuro ebyiri mu marushanwa akomeye mu Burundi ya PRIMUSIC, amaze icyumweru ari mu Rwanda.

Samantha yahawe Miliyoni eshanu z'Amafaranga y'Amarundi amaze kuba uwa kabiri muri Primusic; aya mafaranga ajya kungana na miliyoni ebyiri n'igice uyashyize mu manyarwanda

Uyu muhanzi, wari wazanywe mbere na mbere no gutarama mu gitaramo cy’Abarundi baba mu Rwanda, yanakorewe indirimbo na Producer Pastor P.

Samantha kandi yabashije gukorana indirimbo n’umuhanzi Big Fizzo wo mu Burundi, uyu bakaba bari basanzwe bafitanye indirimbo.

Samantha, watembereye muri Pariki y’Igihugu y’Akagera mu Ntara y’i Burasirazuba, avuga ko yashimye uko Abanyarwanda bamwakiriye. Gusa avuga ko atari ubwa mbere aza mu Rwanda.

Mu kiganiro yagiranye na IGIHE, Samantha wasubiye mu Burundi, kuri uyu wa Gatanu yagize ati “Nishimiye uko mu Rwanda banyakiriye kandi nakoranye indirimbo na Pastor P”.

Samantha avuga ko umuziki wo mu Rwanda asanga warateye imbere cyane, bitewe n’uko hari abashoramari bamaze gutangira gukorana n’abahanzi, akavuga ariko ko mu Burundi naho abona bigenda birushaho kuza.

Samantha; aha yari yitabiriye Tusker Project Fame 5

Samantha aririmba muri Primusic 2013

Samantha ari kumwe na Fizzo; aha bari i Kigali mu Rwanda

Samantha na Fizzo mu Rwanda

Samantha Fizzo n'abahanzi bandi b'abarundi bishimiye ibihe byiza bagiriye mu Rwanda

Samantha yasuye bimwe mu bice biranga ubwiza bw'u Rwanda; aha ni muri Pariki y'Akagera

Umva ikiganiro aheruka kugirana na IGIHE, ubwo yari mu isozwa rya PRIMUSIC: