Umuhango wo gusaba no gukwa Uwicyeza Pamella wabereye mu busitani bwitwa Jalia buherereye mu Karere ka Gasabo mu Murenge wa Rusororo. The Ben yageze muri salle yabereyemo ibirori byo gusaba no gukwa ahagana saa Cyenda z’igicamunsi.

Yambariwe n’umuhanzi ubifatanya n’itangazamakuru Andy Bumuntu, Igor Mabano, umushoramari utuye muri Amerika Jimmy akaba inshuti y’akadasohoka ya The Ben, Umuraperi K8 Kavuyo, Christopher, OG The General, Intore Frank n’abandi.

Mu bindi byamamare byagaragaye muri ubu bukwe harimo Umuhanzi wa Gospel Israell Mbonyi, Anitha Pendo, Miss Josiane, David Bayingana, Muyoboke Alex, Noopja nyiri Country Records yakorewemo indirimbo The Ben yahimbiye Pamella, Uncle Austin, umukinnyi wa filime Yvan, Aristide Gahunzire wabaye manager wa Marina muri The Mane, Sadate Munyakazi wabaye Perezida wa Rayon Sports n’abandi.

Nubwo ibi birori byitabiriwe n’ibyamamare ariko, Umuhanzi Ngabo Medard wamamaye nka Meddy wari witezwe na benshi ntiyigeze ahagaragara.

IGIHE yamenye ko Meddy wari witezwe kwitabira ubu bukwe, atari bwitabire ahubwo ko azitabira umuhango wo gusezerana imbere y’Imana n’Itorero ndetse no kwiyakira uteganyijwe tariki 23 Ukuboza 2023 muri Kigali Convention Centre. Aya makuru akomeza avuga ko uyu muhanzi azagera mu Rwanda mu cyumweru gitaha.

Bivugwa ko Meddy yari umwe mu bagombaga kwambarira The Ben mu birori byo gusaba no gukwa, ariko gahunda zitunguranye zituma ahitamo kuzitabira umuhango wo gusezerana imbere y’Imana n’Itorero ndetse no n’Ibirori byo kwiyakira.

The Ben yahawe Pamella arapfukama atera indirimbo y’agakiza

Umuhango wo gusaba no gukwa wari uryoheye ijisho. Abageni bari bambaye bya kinyarwanda. Masamba ni we wasohoye Uwicyeza Pamella amuririmbira kuva aho yari ari n’abakobwa bamwambariye kugeza muri salle.

Masamba Intore yahaye The Ben indangururamajwi na we atera indirimbo y’agakiza, arapfukama aha Imana icyubahiro.

Israel Mbonyi, Gaby Kamanzi bafatanyije na The Ben guhimbaza Imana

Israel Mbonyi yaririmbiye The Ben na Pamella indirimbo zo kuramya no guhimbaza Imana.

Yaririmbye Nina Siri, ageze hagati aririmba ’Thank You my God’ ya The Ben yafatanyije na Tom Close. The Ben yavuye mu byicaro afata indangururamajwi bafatanya "Ndaje".

Abakobwa ba Kigali Protocol nibo bahaye ikaze The Ben n’itsinda ry’abasore bamwambariye

The Ben yasabye anakwa Pamella bamaze imyaka ine bakundana

Christopher ari mu byamamare byambariye The Ben

Andy Bumuntu usanzwe ari umunyamakuru wa Radio Kiss FM ari mu baherekeje The Ben gusaba no gukwa Uwicyeza Pamella

The Ben yinjiye ahari kubera uyu muhango agaragiwe

Akamwenyu kari kose kuri The Ben uje gusaba no gukwa Pamella

Christopher Muneza ni umwe mu basore bari bambariye The Ben

Umuraperi K8 Kavuyo ni umwe mubari bambariye The Ben mu birori byo gusaba no gukwa

Igor Mabano na we ari mu baherekeje The Ben

Abarimo Aimable Twahirwa, Israel Mbonyi na Uncle Austin ni uku baserutse muri ibi birori

Abakobwa bari biteguye ibi birori

Akanyamuneza kari kose kuri Uwicyeza Pamella wari wishimiye gusanga uwo akunda

Anita Pendo yishimiye kwitabira ibirori byo gusaba no gukwa bya The Ben na Pamella

Aristide Gahunzire yitabiriye ibi birori

Christopher Muneza ni umwe mu basore bari hafi ya The Ben muri ibi birori

Mugisha Benjamin wamamaye nka The Ben ku munsi w'ibirori bye by'ubukwe

Pamella yishimiye kubona umugabo we aje kumusaba inshuti n'imiryango bahari

Sherrie Silver na David Bayingana bafata ifoto y'urwibutso izabakumbuza ibi birori

The Ben akibona umukunzi we yamukomeye amashyi

The Ben na Pamella bahamirije imiryango n'inshuti urukundo bakundana

The Ben nyuma yo guhabwa umugeni yasanzwe n'ibyishimo bikomeye

Umubyinnyi, Sherri Silver

Umuhanzi Massamba Intore ubwo yari ategereje kwakira umugeni Uwicyeza Pamella

Umuhanzikazi Liza Kamikazi wabaye inshuti ya The Ben by'igihe kirekire batangira umuziki yari yaje kumushyigikira asaba umugeni yakunze Uwicyeza Pamella

Umunyamakuru Uwamwezi Mugire uzwi nka Bianca wamamaye mu bitangazamakuru bitandukanye, yari muri ibi birori

Uncle Austin yitabiriye ubukwe bwa The Ben na Uwicyeza Pamella

Gabby Kamanzi na Israel Mbonyi bishimiye gutaha ibi birori

Rwatubyaye Abdul na Biramahire Abeddy bari mu bakinnyi bashyigikiye The Ben mu birori byo gusaba no gukwa

The Ben aramukanya na Israel Mbonyi wari waje kumushyigikira

The Ben n'umubyeyi we bari banezerewe bikomeye

The Ben nyuma yo guhabwa Uwicyeza Pamella ku mugaragaro

The Ben yashimiye Israel Mbonyi na Gabby Kamanzi bari baje kumushyigikira muri ibi birori

Umuhanzi Israel Mbonyi yaririmbiye abageni

Umuririmbyi w'indirimbo zo kuramya no guhimbaza Imana, Gabby Kamanzi yaririmbiye abageni ndetse n'abitabiriye ubu bukwe

Uyu mwana w'imyaka 17 ni umwe mu bishimiwe cyane muri ibi birori

Amafoto: Yuhi Augustin