Tom Close, Davis D, Mbanda, Confy, Prosper Nkomeza bakoze mu nganzo…Indirimbo nshya za weekend

00:00:00 IGIHE NETWORK

KINYARWANDA

ENGLISH

FRANCAIS

Tom Close, Davis D, Mbanda, Confy, Prosper Nkomeza bakoze mu nganzo…Indirimbo nshya za weekend

Yanditswe na Uwiduhaye Theos

Kuya 28 June 2025 saa 10:37

Yasuwe :

Yavuzweho:

Abakurikira IGIHE umunsi ku wundi bamaze kubimenyera ko mu mpera z’icyumweru, tubagezaho indirimbo nshya zagiye hanze yaba iz’abahanzi bagezweho mu gihugu n’abandi bakizamuka baririmba umuziki usanzwe n’uwo guhimbaza Imana.

Uretse mu Rwanda, twambuka n’imbibi z’igihugu tukajya hanze yacyo yaba muri Afurika no hakurya y’inyanja. Indirimbo dushyira kuri uru rutonde ni izo tuba twabashije kubona twifashishije urubuga rwa Youtube.

“Shoke” - Davis D Feat. Soso

Davis D yayihuriyemo na Soso. Muri iyi ndirimbo aba agaragaza ko iyo abantu bakundanye baba bakwiriye kureba ku hazaza.

“Cana Itara” - Tom Close ft PFla & Green P

Tom Close yashyize hanze indirimbo yahuriyemo na P Fla ndetse na Green P. Muri iyi ndirimbo, uyu muhanzi na bagenzi be baba bagira inama abantu yo gushima umuntu akiri muzima aho kumushima yapfuye.

“Bebenjo” - Calvin Mbanda

Calvin Mbanda aba aririmba agaragaza ko hari igihe umuntu akunda undi akamwihebera ku buryo iyo amusize abura amahwemo.

“Ineza” - Isaac Mudakikwa

Isaac Mudakikwa ari mu bahanzi bari kuzamuka neza mu muziki wo kuramya no guhimbaza Imana. Uyu musore aba aririmba agaragaza ukuntu uwiteka ariwe buhungiro kandi kwibera muri we ariyo ya mbere mu buzima.

“Aniongoza Popote” - Papi Clever & Dorcas Ft Merci Pianist

Ni indirimbo nshya y’abahanzi Papi Claver, umugore we Dorcas na Merci Pianist. Aba bahanzi baba baririmba ukuntu bayoborwa n’Imana, ahantu hose.

“Witwa Jambo” - Prosper Nkomezi

Ni indirimbo nshya ya Prosper Nkomezi. Aba agaragaza uko Imana itanga ubuzima iyo umuntu abashije gukizwa no kwiyegereza Imana, akavuga ko gukizwa binatanga amahoro yo mu mutima.

“Sela” - Confy

Confy uri mu bamaze kubaka izina mu Rwanda, yishyira mu mwanya w’umusore ukunda umukobwa ariko afite impungenge ko atari yaba uwe.

“Ntaribi” - Kenny K-Shot, Pro Zed, Kivumbi King

Ni indirimbo yahuriyemo abahanzi barimo Kenny K-Shot, Pro Zed na Kivumbi. Baba bagaragaza ko abantu bose ari babi.

“Just One Time (Uuuh)” - Kiki Toure Ft Kivumbi King

Ni iya Kiki Toure wo mu Burundi na Kivumbi King. Muri iyi ndirimbo, aba bahanzi baba baririmba, bishyize mu mwanya w’umusore usaba umukobwa kumwisanzuraho, bakishimana mu buryo bwuzuye.

Rusake - Zither Organ

Ni indirimbo ya Zither Organ uri mu bahanzi bakizamuka. Aba aririmba abaza abantu badafite abakunzi, niba babona ubutumwa bwa mu gitondo cyangwa niba babyutswa na Rusake.