Mu gitaramo cyabereye muri Stade Amahoro kuri uyu wa 29 Kamena 2013, hagaragaye udushya twinshi. IGIHE twabakusanyirije tumwe muri two n’amafoto yatwo.

Dore tumwe muri two:

1. Kamichi yizihirijemo isabukuru y’amavuko; Nyina yari mu bari baje kumushyigikira

Kamichi yahiriwe no gushyigikirwa bidasanzwe ku munsi we w’amavuko, 29 Kamena kandi atakoresheje imbaraga nyinshi mu kuririmba nk’ibisanzwe..

Yamanitse icyapa kiriho ifoto ya Kamichi, amasaha arenga atatu atamanura, dore ko Kamichi yaririmbye ari ku mwanya wa nyuma.

Yambaye ishati y'ubururu n'ipantalo y'umutuku asa n'uri gukoma amashyi ahanze amaso Kamichi

Nawe umuziki waje kumutwara arahubyina karahava

Yamanitse icyapa cya Kamichi amasaha arenga atatu

2. Bimwe mu byuma byari muri stade byari birimo umuriro w’amashanyarazi:

Bimwe muri ibi byuma byari birimo amashanyarazi

Umusore utifuje utatangaje izina rye yafashwe n’amashanyarazi ipantaro ivamo, ariko ntiyagira ikindi kibazo.

3. Ubugufi bw’umufana wa Senderi bwatumye atangaza abantu:

Umufana wa Senderi yanyuze mu maguru y’abasore bashinzwe umutekano ntibabimenya, bisanga ari kubyinana n’itsinda, Urban Boyz kuri Stage.

Uko Senderi yaririmbaga indirimbo Nsomyaho, niko umufana we yasomaga ku gasembuye (Primus) anabyina.

Senderi yabyinishije umusore usa nka Safi neza neza, mu myenda n’imbyino z’ikizuru, yiganjemo amabara y’ingwe.

Uyu mufana wa Senderi kubera ubugufi bwe yanyuze mu maguru y'abashinzwe umutekano yigira ahatemerewe aribyinira

4. Imodoka ya Danny mubereye agasaraba:

Danny Nanone yanze kugenda mu modoka y’abahanzi, ubwo yari mu ye ageze ku gishushu ataha imupfiraho.

IGIHE duheruka kubatangariza ko Danny umwaka ushize yafotwe ari gufashwa gusunika iyo modoka ye yanze kugenda.

Danny Nanone imodoka yamubereye agasaraba

5. Knowless yagaragaje itandukaniro mu kwiyerekana

Knowless yazamutse kuri Stage atwawe mu ngobyi nk’umwamikazi. Yari afite ababyinnyi bamufashije kugaragaza ko yakoze imyiteguro myinshi ku buryo abantu bagiye bagaragaza ko banyuzwe n’uko yiyerekanye.

Yagaragaje kandi ko ari umwe mu bashobora kurushaho guhanga udushya twinshi mu bitaramo bya LIVE y’uyu mwaka.

6. Platini wo muri Dream Boyz yiyibukije ko yigeze kubaho umubyinnyi:

Aha buri wese yari atahiwe mu kwerekana impano ye; TMC (wari uri kuririmba) we yari yitaje ari kubikurikiranira kure

Platini yawucetse karahava da!

7. Riderman n’inzoga kahize:

Muri iki gitaramo Riderman yajyanye ku rubyiniro icupa n’amakaziye by’inzoga mu rwego rwo kuryoshya indirimbo ze zirimo Abanyabirori na Horo.

IGIHE twari twamukurikiranye kuva kare, aho yashakaga ibikoresho byo kuza kwifashisha ngo ukwiyerekana kwe (performance) kuze kuryoha.

Babanje guhigahiga hose aho bakura ibintu byerekana ko bari "Horo" nk'uko indirimbo ya Riderman ibivuga

Nguwo Riderman na M Izzo bitwaje amakaziye n'inzoga ku rubyiniro

Inzoga yayijyanye no kuri stage

8. Hari hamanitse amateleviziyo ya rutura:

Uyu ni Lion Imanzi agaragara ku mateleviziyo ya rutura yari amanitse hirya no hino muri Stade

9. Hatangijwe akanama nkemurampaka

Abagize akama nkemurampaka babanje guha impanuro abahanzi

Ibahasha irimo uko abagize akanama nkemurampaka batanze amanota yafunzwe neza byerekwa abantu

Ubwo bari barangije abagize akanama nkemurampaka bari barangije akazi kabo bashimiwe

10. Charly yagaragaye muri PGGSS inshuro ya gatatu:

Charly ni umwe mu bahanzi bakunze kugaragara muri PGGSS afasha abahanzi barushanwa mu kuririmba LIVE. Ni umwe mu bahanzi kandi uvugwaho impano akaba afite indirimbo zizwi. Yongeye kugaragara ku nshuro ya gatatu muri iri rushanwa rya PGGSS.

Charly, umwe mu bakobwa b'abahanga mu muziki nyarwanda

11. Abahanzi benshi bazanye ababyinnyi;

Benshi mu bahanzi baje bari kumwe n'ababyinnyi babo, aba ni Urban Boyz

Mico nawe yari yazanye ababyinnyi ndetse banajyanishije mu myambarire

Andi mafoto menshi kanda hano http://www.flickr.com/photos/77694792@N02/