Umuhanzi witwa Icyoyitungiye Jules Bonheur, usanzwe amenyerewe ku izina rya Jules Sentore, impamvu yaba ituma akora injyana gakondo gusa, Ni uko sekuru Sentore Athanase ariwo murage yamuhaye akiri ku isi.

Aganira na IGIHE, Jules Sentore yagize ati"nshimishwa nuko indirimbo z’umuco kuri ubu zirimo kurushaho gukundwa cyane, aho mu minsi ishize wasangaga abantu biyumvamo injyana zindi zo mu mahanga atari iza gakondo".

Abajijwe impamvu adakoresha izina rye bwite rya"Icyoyitungiye", yagize ati"reka reka ntago nari kuzajya mpamagarwa izina rireshya kuriya, ariko iyo bavuze Jules Sentore numva bintejeje".

Kuri ubu Jules arimo gukora amashusho y’indirimbo ye nshya yise "Kira Mama".