Rugamba Jack uzwi ku izina rya Jack B, uzwiho no kubyina cyane kuri ubu ngo yibaza impamvu indirimbo ze zidakinwa ku ma radio bikamuyobera. Jack B atangaza ko atazi nimba hari ikintu ashobora kuba apfa n’abanyamakuru, gusa avuga ko nta munyamakuru n’umwe azi bafite icyo bapfa.

Aganira na IGIHE, Jack B yagize ati” Sinumva ukuntu ntibona mubikorwa runaka kandi nkora cyane, Umwaka ushize hari benshi narushije ibikorwa ariko ugasanga nko muri salax bagiye ishyamba ntago ndimo, Muri Primus Guma Guma Superstar ntago ndimo, Nababaza impamvu bamwe mu babishinzwe bakavuga ngo nta kantu utanga, abandi ngo ntago wakoze kandi nagaragaye mu bitaramo bikomeye byo mu Rwanda mu ntara ndetse no mu bitaramo bibera ahantu hatandukanye hano mu mujyi wa Kigali”.

Reba amashusho y’indirmbo "Wabifashe Nabi" ya Jack B.

Jack B, ibi abivuze mu minsi mike S/Sgt Robert nawe yanditse ku rubuga rwe rwa facebook avuga ko atazi icyo yapfuye n’abanyamakuru kubera ko batagikina indirimbo ze.