Kuri uyu wa gatanu tariki ya 16 Ugushyingo 2012, i Gikondo kuri Atmosphere Passadena aho bakunda kwita kwa Virgile, guhera saa kumi n’ebyiri n’igice z’umugoroba (18h30’) hazabera igitaramo cyo gufasha umurwayi witwa Hassani (usanzwe utuye ku Kimihurura) watwitswe na lisansi, uri muri CHUK mu cyumba cya 7 ku gitanda cya 50.

Iki gitaramo cyateguwe n’abahanzi Jody na Paulin (umwana wa Philemon Niyomugabo) babinyujije mu itsinda (Label) basanzwe bakoreramo rya BMCG mu bufatanye n’urubyiruko rwishyize hamwe rukiyita “Tanga ubufasha bw’ibanze ku bababaye”.

Kwinjira ni amafaranga igihumbi y’u Rwanda (1,000Rwf).

Abandi bahanzi bazaba barimo ni The Brothers, Fireman, Babou, TBB, Spax (Family Squad), Sakabaka, Jack B, Fayed, Angel, Gisa, Absent Killers, Rack-JO, Elyse, Babou-G, The Hunters n’abandi.

Hazaba kandi hari Live band ebyiri ari zo BMCG live band na Passadena live Band. Hazabaho no kumurika imideri bizakorwa na Mode ya Lydia African Talent.

Niba ushaka kumenya byinshi kuri iki gitaramo wakanda HANO