Junior Multisysteme ni producer wari amaze iminsi akorera mu nzu yitwa “The Super Level” itunganya ibihangano by’abahanzi nyarwanda, Yashinzwe na bamwe mu basore bagize itsinda rya Urban Boy. Kuri ubu akaba amaze kwerekeza mu nzu itunganya amajwi (Studio) yitwa Touch records.

Aganira na IGIHE, Muyoboke Alexis uhagarariye itsinda rya Urban Boys ari naryo ryashinze iyo studio ya “The Super Level”, Yagize ati” Simfite byinshi navuga kuri Junior kuko yagiye atatubwiye kandi hashize igihe kingana n’icyumweru, rero sinumva uburyo nasobanura ibya Junior yaragiye ntacyo tuzi”.

Junior Multisysteme niwe wegukanye igihembo cy’umu producer mwiza mu marushanwa ya Salax Award mu mwaka wa 2012. Kugeza ubu ntago telefone ye irashobora gucamo.