Giteganyijwe ku wa 20 Gicurasi 2023 aho kizibanda ku ruhare abagore bagize mu iterambere rya sinema. Kizayoborwa na Catherine Ruelle usanzwe ari umusesenguzi mu bijyanye na sinema.

Uyu munyarwandakazi uri mu bitabiriye Festival de Cannes, filime yakinnyemo ‘Augure’ iri muzihataniye igihembo cya ‘Un Certain Regard’.

Iyi filime iri muzizerekanwa muri iri serukiramuco ku wa 24 Gicurasi 2023 muri Théâtre de la Licorne.

Iki kiganiro Eliane Umuhire azatangamo ibitekerezo kizabanzirizwa n’imurikwa rya filime ‘Iwaju’ yakozwe na Kugali Media, sosiyete y’imyidagaduro yibanda ku kuvuga inkuru zishingiye ku muco nyafurika ikoresheje inkuru zishushanyije zisekeje, Ubugeni n’ibindi.

Umuhire Eliane akomeje kwagura ibikorwa bye muri sinema dore ko vuba aha agiye guhurira muri filime imwe na Lupita Amondi Nyong’o [Lupita Nyong’o], Joseph Quinn wamenyekanye muri Stranger Things, Djimon Hounsou, Denis O’Hare n’abandi bafite amazina akomeye i Hollywood muri Amerika.

IGIHE yamenye amakuru ko aba bakinnyi ba filime bahuriye muri filime “A Quiet Place: Day One” yakozwe na Paramount Pictures izasohoka mu 2024.

Ifatwa ry’amashusho yayo ryabereye i Londres mu Bwongereza, i New York muri Amerika ndetse no mu bindi bice by’Isi bitandukanye.