RCFF ni serukiramuco mpuzamahanga ngarukamwaka rya filime zagikristu, ritegurwa na company yitwa True Way Entertainment Ltd. Kuri ubu imyiteguro y’iriserukiramuco irakomeje nk’uko tubitangarizwa na Chris Reagan Mwungura ari nawe ukuriye iri serukiramuco.

Nk’uko yabitangarije IGIHE, iri serukiramuco bazarifungura ku mugaragaro tariki 15 Ugushyingo muri Century Cinema ahasanzwe herekanirwa film in 3D, guhera kwitaliki 17 Ugushyingo bagatangira kwerekana zimwe muri filime zitabiriye iriserukiramuco mu Ntara enye z’igihugu .

Muri icyo cyumweru cy’iserukiramuco RCFF hateganyijwe amahugurwa ya scriptwriting azatangwa n’inzobere mu bya sinema.

CANJAT Boy ni umunya Kenya w’inzobere mu bya Cinema yize cinema mu bihugu byinshi harimo Ubudage, USA, France akaba anatanga amahugurwa muri Maisha Film Festival.

Aya mahugurwa azatangira tariki 18 Ugushyingo asozwe kuri 21 z’uko kwezi, nyuma yamahugurwa hazatoranywamo script nziza yahize izindi izahabwe igihembo muri festival ndetse inafatirwe amashusho.

RCFF izasozwa kwitaliki 24 ugushyingo muri Kigali Serena Hotel hatangwa ibihembo kuma film yitwaye neza muriri serukiramuco, ndetse n’undi muhango wa Red Carpet izacaho aba Filmmakers b’Abanyarwanda bagiye babona ibihembo mu yandi maserukiramuco haba ayo mu Rwanda ndetse no hanze yarwo.

Kwakira film zitabira festival byararangiye.

Ku bifuza ibindi bisobanuro kubijyanye n’iri serukiramuco cyangwa kubashaka kwitabira amahugurwa mwabariza kurizi number 0783607414 / 0728000017 cyangwa mukatwandikira kuri e-mail : [email protected] ushobora no gusura urubuga rwacu rwa facebook: Rwanda Christian Film Festival

Chris Reagan MWUNGURA ukuriye iriserukiramuco araha Abanyarwanda ikaze muri RCFF 2013 ndetse n’aba filmmakers muri rusange.