Uyu mukinnyi wa filime yibarutse umwana w’umukobwa yabyaranye na Niyigena Daniel barushinze ku wa 2 Ukwakira 2022.

Uyu mwana w’umukobwa yavutse mu rukerera rwa tariki 18 Kamena 2023.

Niyomubyeyi Noëlla asanzwe azwi cyane ku mbuga nkoranyambaga biturutse kuri filime zitandukanye akinamo ndetse n’ikimero cye gitangarirwa na benshi.

Yatangiye gukina filime mu 2016 ubwo yakinaga mu yitwa Virunga High School yatambukaga kuri Lemigo TV.

Nyuma yo kubona hari abishimiye uburyo akina filime nibwo yafashe iya mbere ajya gukora igeragezwa muri filime ya "Seburikoko" itambuka kuri Televiziyo y’Igihugu aza no kuritsinda.

Filme y’uruhererekane "Papa Sava" ni yo yamugize ikimenyabose mu Rwanda.