00:00:00 IGIHE NETWORK KN KINYARWANDA EN ENGLISH FR FRANCAIS

Gasumuni yatanze umubonjyo w’umusaruro wa gahunda yise ‘Kwirekura’

Yanditswe na

Twizeyimana Fabrice

Kuya 16 December 2014 saa 03:27
Yasuwe :

Ntarindwa Diogène uzwi nka Atome cyangwa Gasumuni yongeye kugaragaza ubuhanga bwe mu gusetsa, ashimisha abayobozi n’urubyiruko mu mpera z’icyumweru gishize, mbere gato y’uko igitaramo gikomeye cyo gufasha abantu gusoza umwaka baseka yise “Kwirekura 20” kiba.
Mu nama y’ihuriro ry’urubyiruko ‘Beyond This Moment’ yateguwe n’umuryango Imbuto Foundation, umunyarwenya akaba n’umukinnyi w’amakinamico, Gasumuni unazwi nka Atome yahawe ijambo ngo aruhure abari mu nama, arabasetsa imbavu zirashya kandi (...)

Ntarindwa Diogène uzwi nka Atome cyangwa Gasumuni yongeye kugaragaza ubuhanga bwe mu gusetsa, ashimisha abayobozi n’urubyiruko mu mpera z’icyumweru gishize, mbere gato y’uko igitaramo gikomeye cyo gufasha abantu gusoza umwaka baseka yise “Kwirekura 20” kiba.

Mu nama y’ihuriro ry’urubyiruko ‘Beyond This Moment’ yateguwe n’umuryango Imbuto Foundation, umunyarwenya akaba n’umukinnyi w’amakinamico, Gasumuni unazwi nka Atome yahawe ijambo ngo aruhure abari mu nama, arabasetsa imbavu zirashya kandi akoresheje amagambo yagarukwagaho n’abatanze inyigisho muri iyi nama.

Gasumuni ubu wiyita Komiseri muri komisiyo y’igihugu nshya yo ‘kwirekura’ yagaragaje ubuhanga mu gutebya, ubwo yageraga imbere akavuga ko yitwa [AROM] uturutse [ARANA..] benshi bakayoberwa icyo ashatse kuvuga, byabashobera akabasobanurira ko yakoreshaga Icyongereza cy’Abanyamerika, ashaka kuvuga ko yitwa [ATOME] uvuye muri [ATLANTA].

Nyuma y’uko umwe mu bakobwa watanze ikiganiro yatanze urubuga rwa internet abantu basangaho Videwo ye yari imaze kwerekanwa, Gasumuni yabiteyemo urwenya avuga ko hari abasabye ko we n’undi mukobwa wari watanze ikiganiro banatanga na nimero za telefoni.

Yunzemo avuga ko ngo nimero z’abagabo zo ntazo bakeneye bazabasanga aho bakorera nibashaka kugira icyo babasobanuza.

Aha yagize ati “[……]watanze webusite twasangaho Videwo yawe, ariko hari abavuze ko bari bakeneye na telefoni kuko hari ibyo baba bashaka gusobanuza batumvise neza mutanga ikiganiro….. Naho abagabo barimo ba Padiri na Clement bo twabasanga kuri Paruwasi n’ahandi hose.”

Abinyujije mu gutebya ,uyu munyarwenya yagarutse ku ijambo Minisitiri w’Urubyiruko n’Ikoranabuhanga, Jean Philbert Nsengimana yavuze asaba urubyiruko kugira icyo baheraho kirenze ubumenyi mu gihe bapanga imishinga. Aha Minisitiri yari yavuze ko icyo umuntu afite mu ntoki cyose yagiheraho kikamugeza kure, noneho n’uwashaka kumufasha akaba yabona aho ahera.

Ashaka gusetsa abantu, Gasumuni yamubwiye ko ibyo yasabye urubyiruko yabyumvise, ariko mu kureba niba koko icyo umuntu afite cyose yagiheraho n’umufasha akagiheraho, agaragariza Minisitiri ko afite telefoni aheraho asaba ubwunganizi bw’amafaranga miliyoni eshatu.

Ati “Nyakubahwa Minister nakunze ijambo ryanyu aho mwavuze muti ni iki mufite mu ntoki zanyu kirenze ubumenyi mufitE ? Ngaho ubu mfite telefoni reka mpumirize nsange ka gasheki ka miliyoni 3 kangezeho..!!!”

Uyu munyarwenya kandi ntiyoroheye umwe mu batanze ibiganiro wagaragaje ko u Rwanda rwakoze akazi gakomeye mu kwishakamo ibisubizo ndetse agaragaza ko zimwe muri gahunda za nka Girinka, ubudehe n’izindi zashyirwa ku isoko abashaka kwiga inzira u Rwanda rwanyuzemo bakajya bishyura.

Gasumuni ibi nabyo yabiteyemo urwenya, agaragaza ko kugurisha izi gahunda za leta zafashije abaturage gutera imbere ari ugutandukira ku ndangagaciro z’ubumbuntu abanyarwanda bagenderaho.Ati “Twajya gucuruza ubudehe kandi turi abantu bagira ubumuntu mwa bantu mwe…”

Abitabiriye ihuriro ‘Beyond This Moment’ bishimiye cyane uyu munyarwenya, cyane bashima uburyo afite ubuhanga bwo kubyaza umusaruro ijambo umuntu wese avuze, rigahinduka irisekeje.

Gasumuni umaze igihe azenguruka amahanga mu bihugu nka Canada, Colombia, Leta Zunze Ubumwe za Amerika n’ahandi hatandukanye,yemeza ko iki gitaramo yise ‘Kwirekura 20’ kizashimisha abazacyitabita ku buryo bazirekura bakarangiza umwaka bisekera, bishimye.

Uku gusetsa abantu kuje nk’umubonjyo w’igitaramo mbaturamugabo uyu Munyarwenya ari gutegura, kizabafasha abantu gusoza neza uyu mwaka bagorora imbavu, ari nako biyongeramo akanyamuneza bishimira umwaka wa 2015.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .