Gen Ntaganda ntiyigeze yambuka umupaka w’u Rwanda – Minisitiri Mushikiwabo

Yanditswe na M. M.
Kuya 5 Kamena 2012 saa 01:31
Yasuwe :
0 0

Nyuma y’uko Umuryango Human Right Watch na Loni basohoye raporo irega leta y’u Rwanda gutera inkunga abigometse ku butegetsi bwa Congo Kinshasa bari mu mutwe wa M23 hamwe na Gen Bosco Ntaganda, Minisitiri w’Ububanyi n’Amahanga Louise Mushikiwabo yagize icyo abivugaho mu kiganiro yagiranye n’ikinyamakuru Jeune Afrique nimero 2682 yo guhera kuwa 3 - 9 Kamena.
Jeune Afrique : Raporo ya LONI irabashinja gutera inkunga abagize umutwe wa M23 wiyomoye ku butegetsi. Ayo makuru ni impamo?
L. (...)

Nyuma y’uko Umuryango Human Right Watch na Loni basohoye raporo irega leta y’u Rwanda gutera inkunga abigometse ku butegetsi bwa Congo Kinshasa bari mu mutwe wa M23 hamwe na Gen Bosco Ntaganda, Minisitiri w’Ububanyi n’Amahanga Louise Mushikiwabo yagize icyo abivugaho mu kiganiro yagiranye n’ikinyamakuru Jeune Afrique nimero 2682 yo guhera kuwa 3 - 9 Kamena.

Jeune Afrique : Raporo ya LONI irabashinja gutera inkunga abagize umutwe wa M23 wiyomoye ku butegetsi. Ayo makuru ni impamo?

L. Mushikiwabo : Mbivuze nkomeje; u Rwanda ntirwigeze rutoza cyangwa ngo rwohereze umurwanyi hakurya y’umupaka. Aka kavuyo kagaragaza ukudaha agaciro ibintu kwa MONUSCO. Hashize icyumweru tumenye ibi birego. Kuki byatangazwa? ikintu cy’ibanze cyari ukubigenzura; Abo banyarwanda ni bande? bava mu kahe karere? Bavuga ko binjinjwe mu mutwe wa gisirikare hagati ya Gashyantare na Mata mu nkambi ya Mudende, hafi y’umupaka wa Congo…Mudende ni ahantu hazwi neza, hari inkambi y’impunzi z’Abanyekongo.

Ibi ntibyaba ikimenyetso cyuzuye. Hari impunzi z’Abanyekongo 56 000 ku butaka bwacu, bafite imiryango hakurya y’umupaka, haba hari urujya n’uruza. Ariko gushinja igihugu gufasha inyeshyamba mu kindi gihugu ntibirimo ubushishozi habe na gato, hagendewe no ku mateka ya vuba. Ayo makuru mabi ashobora kugira ingaruka zikomeye ku baturage b’i Masisi.

Jeune Afrique: Monusco ikoresha Miliyari imwe y’Amadorali ku mwaka n’abasirikare 20000, imaze hariya igihe kirekire ariko nta musaruro yigeze igeraho, ntawe uvuga ko Monusco ishoboye, ingabo za Congo nazo zisa nk’izatabishoboye, ni nde mwitezeho kurwanya FDLR muri Congo?

Ibikorwa bya FDLR biteza ibibazo bikomeye, ni uburozi mu ngengabitekerezo kandi ni ingufu zikoreshwa n’abashaka imidugararo. Igisubizo ntigishobora kuva ku wundi muntu uwo ari we wese; u Rwanda ruzakemura iki kibazo hamwe na Congo. Naho ukwivumbagatanya kwa M23 ni ikibazo cy’ingabo za Congo ku butaka bwa Congo. Hari ibintu tudashobora gukora. Si igihugu cyacu.

Jeune Afrique : Repubulika Iharanira Demokarasi ya Congo yafashe icyemezo cyo gufata Ntaganda…

L.Mushikiwabo : Turebe ibintu uko biri. Bosco Ntaganda ntago ashakishwa na Congo, ahubwo ni Urukiko Mpuzamahanga Mpanabyaha(CPI), Kandi kuba CPI-nayo tutizera neza- ishaka gufata umuntu umwe, ntibyagakwiye gutuma Abanyekongo bangana kuriya bajya mu kaga. Ku bisigaye, Ntaganda ntiyigeze yambuka umupaka w’u Rwanda nk’uko byaba byaravuzwe.

Jeune Afrique : Iyi raporo ishobora kwangiza umubano wanyu na Kinshasa ?

L.Mushikiwabo : Kinshasa kimwe natwe yari isanzwe izi iby’ibi birego. Umubano wacu ni uwa cyera, twakoze ibishoboka byose ngo tuzane umutuzo muri aka karere, kandi ibyo ntibizahinduka. Turacyiteguye gutanga umusanzu wacu mu gukemura ikibazo mu gihe Congo ibisabye. Dukomeje kubiganiraho.

Foto: Jeune Afrique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza