Umunyamabanga wa Loni, Ban Ki- moon, yikomye ubwicanyi bwakorewe ingabo y’u Rwanda yari mu butumwa bw’uyu muryango w’abibumbye.

Uyu musirikare yishwe mu gitondo cyo ku wa Gatandatu tariki 24 Gicurasi unyuma yo gukomeretswa hamwe na bagenzi be b’Abanarwanda batatu bageragezaga guhagarika amakimbirane hagati y’ubwoko bwa “Fur” bwo mu mu gace ka Al Salam, n’aba “Arab” bakomoka ahitwa Al Hara

Bivugwa ko ubu bwoko ko bwose bufite abaturage batunze nze intwaro ari na zo kakoresejwe mu mirwano.

Ban Ki- Moon, Umunyamabanga Mukuru wa Loni

Mu itangazo ryasohowe n’ubunyamabanga bukuru bwa loni hagaragajwemo ko umunyamabanga yamaganye ubu bwicanyi ndetse anihanganisha imiryango y’umusirikare watabatutse.

Iri tangazo ryashyizwe ahagaragara ku munsi uyu musirikare yiciweho riragira riti “ Umunyamabanga mukuru wa Loni yamaganye ubwicanyi bwakorewe umusirikare w’u Rwanda muri iki Gitondo i Kabkabiya mu Majyaruguru ya Darfur, bwakurikiye gushaka guhuza imitwe ibiri y’iimitwe ibiri yitwaje intwaro”.

Itangazo ryakomeje rigira riti “Abandi basirikare batatu bakomerekejwe, bakomeje kwitabwaho n’ubutabazi bw’ingabo ziri mu butumwa bw’amahoro bwa Loni (UNAMID)”.

Ryongeyeho riti “Umunyamabanga Mukuru yihanganishije bikomeye umuryango w’umusirikare watabarutse na guverinoma y’u Rwanda akaba anifuriza abakomeretse koroherwa byihuse”.

Agace ka Kabkabiya kabereyemo iyi miwano, gaherereye nko mu birometero 140 uvuye mu Burengerazuba bw’ahutwa El Fasher mu Majyaruguru ya Darfur, nk’uko tubikesha urubuga philstar.com.

Uru rubuga rugaragaza ko kuva mu myaka isaga itandatu ishize, ingabo za UNAMID zigera kuri 58 zimaze kwicwa.

Bivugwa kandi ko ingabo za UNAMID zakomeje guhura n’ihohoterwa ryashyize Darfur mu mazi abira guhera mu mezi 18 ashize.

Mu mwaka ushize hagaragaye ibitero 16 byagabwe kuri izi ngabo, byakurijemo kubura kwa bimwe mu bikoresho bya gisirikare nk’imodoka, intwaro n’ibindi nk’uko byagaragajwe n’akanama ka Loni gashinzwe umutekano muri Gashyantare uyu mwaka.

[email protected]