Iki kibazo cyari gutuma abantu bashobora guhunga kimaze amezi atatu hagati ya Koperative y’Ababumbyi bw’amavazi y’abasigajwe inyuma n’amateka ndetse na Mukakabugu Verena, bahoze bakorana, nyuma akiga umushinga ufite ingufu wo gukora amakositara n’amapavi maze akegera Banki.
Bagenzi ba Mukakabugu ntibabyishimiye bashaka kumwirukana mu butaka bita ubwabo umurenge watanze mu buryo batazi kugeza ubwo ubuyobozi bumaze amezi agera kuri atatu bucirirwamo ariko urubanza rukabura gica.
Munyarukundo Shaban uyobora iyi Koperative y’ababumbyi avuga ko bakunze kwegera ubuyobozi bw’umurenge, ariko bukabima amatwi, ibintu bavuga ko byari gutuma bafata imyanzuro ibiri ikakaye irimo gufata iy’ubuhunzi cyangwa kugeza iki kibazo kuri Perezida wa Repubulika Paul Kagame.
Yagize ati “Uyu munsi iyo bahamuha twari gufata inzira y’ubuhunzi kuko byagaragaraga ko badutwaye ubutaka bwacu…iyo bagutwaye ahantu h’uburanga no mu gikari ntaho baba basigaje.”
Mukakabugu Verena avuga ko yahoze akorana na bo akaza guhanga umushinga aho yegereye Banki kuri ubu akaba afite imashini ebyiri akaba akora ibikorwa akishyura ibihumbi 500 banki ku kwezi.
Umwanzuro w’ikibazo wabaye ingorabahizi
Ubwo ubuyobozi bw’akarere bwazaga gukemura ikibazo bwamutije ikibanza munsi y’umurenge wa Kacyiru agitera utwatsi avuga ko yahomba kandi imashini ze zigasakuriza abahatuye.
Umuyobozi w’akarere yahise yerekeza mu gishanga gusuzuma amajwi yazo mu gishanga maze basaba abo muri koperative amezi abiri yo gushaka umuti wa burundi ariko bakamureka akaba akora bamubera ibamba.
Umuyobozi w’akarere Stephen Rwamurangwa n’ab’inzego z’umutekano zari zihari bahise bafata icyemezo cyo kumurekera aho yakoreraga agace gatoya ndetse bamuha no ruguru munsi y’umurenge wa kakiru.Gusa Verena ntiyabashije kunyurwa n’ubwo butaka bufitwe n’imbarwa muri Kigali.
Ngo umwanzuro uzaba mu mezi abiri uzagendera ku byifuzo bye akihitiramo ahantu hakorera muri Kigali.
[email protected]
Twitter:@biroridinatale
TANGA IGITEKEREZO