Twagiramungu arakomanga ku muryango wa Kigali

Yanditswe na Rene Anthere Rwanyange
Kuya 3 Kamena 2013 saa 05:40
Yasuwe :
0 0

Twagiramungu Faustin umenyerewe ku kabyiniriro ka Politiki «Rukokoma » amaze iminsi atangaza ko ashaka gukorera politiki mu Rwanda, nk’uko yakunze kubivuga arambiwe ibyo yise «Politiki ya Telekomande». Imyiteguro y’urugendo rwerekeza i Kigali irarimbanije, ayifatanije na Gerard Karangwa Semushi, bombi babarizwa ku mugabane w’u Burayi.
Twagiramungu na Karangwa imyiteguro yabo ijyanye no kuba bahamagaje ikiganiro n’abanyamakuru ku itariki ya 13 Kamena, ngo babatangarize iby’urugendo rwabo (...)

Twagiramungu Faustin umenyerewe ku kabyiniriro ka Politiki «Rukokoma » amaze iminsi atangaza ko ashaka gukorera politiki mu Rwanda, nk’uko yakunze kubivuga arambiwe ibyo yise «Politiki ya Telekomande». Imyiteguro y’urugendo rwerekeza i Kigali irarimbanije, ayifatanije na Gerard Karangwa Semushi, bombi babarizwa ku mugabane w’u Burayi.

Twagiramungu na Karangwa imyiteguro yabo ijyanye no kuba bahamagaje ikiganiro n’abanyamakuru ku itariki ya 13 Kamena, ngo babatangarize iby’urugendo rwabo rwegereje.

Urugendo rwekereza mu gihugu cy’amavuko, Rukokoma na Karangwa bateganya ko rutazarenza impera z’uku kwezi kwa Kamena batarasesekara ku butaka bw’u Rwanda.

Ubutumire buje hasigaye iminsi mike ngo basubire mu Rwanda kuba ariho bakorera politiki, batangaje ko ntagisibya, batumiye abanyamakuru ngo baganire aho imyiteguro yabo igeze, banatangaze gahunda yabo.

Kuza gukinira politiki mu Rwanda, bije nyuma y’aho Twagiramungu yatangaje kenshi ko arambiwe icyo yise «politiki ya Telekomande» kandi ko atakomeza gukina «politiki yo mu mwobo nk’inyaga».

N’ubwo abo bagabo bombi bashyuhije mu myiteguro yo kugaruka mu Rwanda, mu butumire bwabo hagaragaramo ingingo yerekana ko hari ibyo bazasaba Inteko Ishinga Amategeko y’u Burayi n’abandi batera inkunga u Rwanda, ngo bakomeze bashyire igitsure ku Rwanda mu rwego rwo kubungabunga uburenganzira bwa muntu.

Twagiramungu Faustin ayobora ishyaka RDI-Rwanada Rwiza na ho Gérard Karangwa Semushi, ni Visi Perezida w’ishyaka PDP-Imanzi ryashinzwe na Deo Mushaidi ubu ufungiye muri gereza ya Nyanza. Aya mashyaka yombi nta na rimwe rikorera imbere mu gihugu, nta n’irizwi mu mitwe ya politiki yemerewe gukorera mu Rwanda.

Twagiramungu Faustin ubwo yari mu kiganiro n'abanyamakuru atangaza bwa mbere ko azataha
Twagiramungu Faustin (Rukokoma) na Gerard Karangwa biteguye gukorera Politiki mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza