Tariki ya 8 Werurwe ni umunsi wa 67 w’uyu mwaka, usigaje iminsi 298 ngo ugere ku musozo.

Bimwe mu byaranze uyu mwaka

1360 : Amasezerano y’amahoro yo guhagarika intambara y’imyaka 100 yashyizweho umukono hagati y’u Bufaransa (Jean le bon) n’u Bwongereza (Édouard III) ariko nyuma y’imyaka 9 intambara yongeye kubuka.

1790 : Koloni z’Abafaransa zahawe uburenganzira bwo gutegura amategeko azigenga imbere mu gihugu.

1844 : Igikomangoma cya Suède, Oscar Ier de Suède yasimbuye se ku ngoma Charles XIV (Jean-Baptiste Bernadotte), aba umwami w’icyo gihugu.

1854 : Japon : Amasezerano y’agateganyo hagati y’u Buyapani na Leta Zunze Ubumwe za Amerika, yasubiwemo muri Mutarama na Gashyantare 1855 n’Abanyamerika, nyuma bigakorwa n’Abayapani.

1907 : Muri Autriche , Aba Landtag bemeje amatora rusange kandi biba itegeko.

1917 : Abagore b’i New York bigaragambije basaba kugira uburenganzira bungana n’ubw’abagabo.

1918 : Mu Burusiya Léon Trotski yeguye ku mirimo ye yo kuba Komiseri w’Abaturage mu bubanyi n’amahanga.

1920 :Fayçal yabaye umwami wa Syria.

1921 : Lénine yahinduye itariki ya 8 Werurwe umunsi w’Abagore.

Lenine yashyizeho umunsi w'abagore mu 1921

1945 : Mu nama y’ i Chapultepec hashyizwe ku mugaragaro ihame ryo ko abantu bose bafite uburenganzira bungana, haba ku bwoko cyangwa se idini.

1949 : U Bufaransa bwemeye Ubwigenge bwa Viêt Nam iyobowe na Bảo Đại.

1950 : Maréchal Vorochilov yatangaje ko Leta z’Abasoviyeti zitunze intwaro z’ubumara.

1954 : Leta zunze Ubumwe za Amerika n’u Buyapani bashyize umukono ku masezerano y’ubufatanye mu byo kwirinda.

1957 : Itariki ya 8 Werurwe i New York bemeje ko ari umunsi w’abagore.

1957: Ghana yinjiye mu Muryango w’Abibumbye.

1961 : Abayobozi ba Congo bashyize hamwe muri Federasiyo yari iyobowe na Kasavubu.

1961: Mu nama yabereye i Londres, Afurika y’Epfo yari yarokamwe n’ivanguramoko yasezeye mu muryango w’ubukungu uhuza ibihugu byakolonijwe n’u Bwongereza.

1965 : Ingabo zirwanira mu mazi 3000 z’Abanyamerika zavuye mu majyepfo ya Viêt Nam.

1977 : Umuryango w’Abibumbye wemeje Umunsi Mpuzamahanga w’Uburenganzira bw’Umugore.

1979 : Perezida wa Leta Zunze Ubumwe za Amerika yashyize gahunda y’amahoro mu burasirazuba byageje ku masezerano y’amahoro y’i Camp David hagati ya Egypt na Israel.

1982 : U Bufaransa bwizihije umunsi mpuzamahanga w’abagore ku nshuro ya mbere.

1979 : Ubutegetsi bwa Reagan bwashinjije Abasoviyeti kugira uruhare mu rupfu rw’abantu bagera ku 3000 muri Afghanistan bakoresheje imyuka y’uburozi n’intwaro z’ubumara

1986 : France : Philippe Rochot, Georges Hansen, Aurel Cornéa et Jean-Louis Normandin, abanayamakuru b’Abafaransa kuri Antenne 2 bafashwe bugwate n’intagondwa z’abayisilamu i Beyrouth (Liban).

1998 : Stacy Dragila yesheje umuhigo w’isi mu rwego rw’abagore mu gusimbuka hifashishijwe ikibando aho yasimbutse 4,48 m.

2001 : ’OTAN yahaye uburenganzi Serbie ku mupaka wayo na Kosovo, kubera inyeshyamba zaturukaga muri Macédoine.