Nfaly Sylla ushinzwe imirimo y’Inama y’Abaminisitiri muri Guinée akaba na Minisitiri w’Itumanaho, abinyujije kuri X yahoze yitwa Twitter, yashyize hanze amashusho agaragaza ibendera ry’igihugu cye rizamurwa muri Kigali nk’ikimenyetso cyo gufungura imiryango kwa ambasade.

Yagize ati “Mu marangamutima menshi, twazamuye ibendera ry’igihugu cyacu ahakorera Ambasade yacu nshya i Kigali. Ubufatanye bwa Conakry na Kigali buri gutera imbere. Harakabaho umubano w’u Rwanda na Guinée.”

"🇬🇳🇷🇼 Avec beaucoup d'émotion, nous avons hissé le drapeau de notre pays, la Guinée, au sommet du mât de notre toute nouvelle ambassade à Kigali. L'axe Conakry-Kigali se développe. Vive la coopération Guinée-Rwanda ! 🤝✨ #ÉtapesDiplomatiques #Diplomaticmilestone #Guinee #Rwanda pic.twitter.com/Msm4KNnMEF

— Nfaly Sylla (@nfalyfsylla) October 15, 2023

Muri Nyakanga uyu mwaka nibwo Perezida w’Inzibacyuho wa Guinée , Colonel Mamadi Doumbouya yagennye Souleymane Savané nka Ambasaderi wa mbere w’igihugu cye mu Rwanda.

Ifungurwa ry’iyi ambasade rikurikiye uruzinduko Perezida Paul Kagame yagiriye i Conakry tariki 17 na 18 Mata uyu mwaka, ryasize risinyiwemo amasezerano atandukanye agamije guteza imbere ubufatanye bw’ibihugu byombi.

Ibendera rya Guinée ryazamuwe i Kigali

Nfaly Sylla mu nyubako ya ambasade ya Guinée mu Rwanda