Ni uburyo bwo kugera kuri zimwe muri serivisi za MySol ukanze imibare kuri telefone ibizwi nka USSD, aho abakiliya ba MySol basabwa gukanda *801*25# bagakurikiza amabwiriza.

Abakiliya ba Mysol banyuze ku *801*25# babasha kwishyura, kureba amakuru ya konti zabo, guhabwa ubufasha mu bya tekiniki, gutanga ibitekerezo kuri serivisi bahawe n’ibindi bitandukanye.

Agaruka kuri ubwo buryo bushya bwo gufasha abakiliya babo, Niyonsenga Alexis ukuriye ishami rishinzwe abakiliya muri MySol yavuze ko byose biri mu murongo wo korohereza abakenera serivisi z’iyo sosiyete.

Yagize ati “Turakangurira abakiliya bacu gukoresha USSD yacu banyuze ku *801*25#. Ni uburyo bworoshye kandi bugezweho bwabafasha kugera kuri serivisi zacu, nko kwishyura inguzanyo bafite ndetse n’ibindi”.

MySol igaragaza ko ariko iyo USSD idasimbuye ubundi buryo bakiragamo ibitekerezo by’abakiliya bayo kuko bazakomeza kubakira haba abibaza kuri iyo USSD n’abandi bashaka kubaza ibindi bahamageye ku murongo utishyurwa wa 2345.

Abakiliya ba Mysol bashyiriweho uburyo bwo kugera kuri serivisi zayo bakoresheje telefone