‘Christmas tree lighting’ ni ibirori ngarukamwaka bitegurwa na hoteli ya Grand Legacy, mu rwego rwo kwifatanya n’abakiliya bayo b’imena n’abafatanyabikorwa batandukanye bakishimira uko umwaka wagenze basangira iminsi mikuru iwusoza.

Umuyobozi ushinzwe imenyekanisha bikorwa muri Grand Legacy hotel, Ndagijimana Christian, yavuze ko uyu munsi wa Christmas tree lighting uba ari igihe cyo gushimira abakiliya n’afatanyabikorwa ba Hoteli.

Yagize ati “Uyu munsi dutumira abafatanyabikorwa bacu bose dukorana nabo, abakiliya bacu b’Imena batandukanye tukabashimira kubera ko baduhaye ubucuruzi ndetse no kutwizera nka Grand Legacy hotel. Aba ari mu buryo bwo kubashimira tugahura nabo tukabaha impano tubifuriza ibihe byiza”.

Iyi ni inshuro ya kane ibi birori bya ‘Christmas Tree lighting’ biba bikaba byerekana ko ibihe bya Noheli byatangiye muri Grand Legacy hotel.

Umwe mu bakiliya b’imena ba Grand Legacy Hotel, Seth Appeciteng wari wanitabiye ibi birori, yavuze ko mu gihe cy’imyaka ibiri amaze akorana n’iyi hoteli yakunze serivisi zayo.

Ati “Nshobora kuvuga ko ubu biri hafi kuzura imyaka ibiri ndi umukiliya wa Grand Legacy hotel, kuva twamenya Grand legacy byabaye byiza cyane twagiye tuzana abantu bacu hano mu nama twagiye guhitamo kubazana muri Grand Legacy kubera ko serivisi zabo nziza".

Umuyobozi w’Ikigo gishinzwe kumenyekanisha ubukerarugendo bushingiye ku nama (Rwanda Convention Bureau, RCB) Nelly Mukazayire wari n’umushyitsi mukuru yavuze ko Hoteli ya Grand Legacy hamwe n’andi mahoteli bari mu batuma akazi ikigo ayobora gishinzwe kagenda neza.

Ati "Nkabakora muri Rwanda Convention Bureau intego yacu ni ukugira ngo urwego rw’imikorere rurimo inama, ibirori, kwidagadura bitere imbere, ibyo rero ntago twabishobora ngo tubigereho tudafite abafatanyabikorwa nk’amahoteli akora neza akadufasha kwakira abo bantu agatuma bakunda igihugu ndetse bakanagaruka.

Mukazayire yashimye akazi gakorwa na Grand Legacy. Ati “Niyo mpamvu rero nshima ubuyobozi bwa Grand legacy hotel n’andi mahoteli muri rusange kubera ibikorwa byabo bituma natwe tubasha gukora akazi twagakwiye gukora”.

kuri iyi nshuro ya kane ubuyobozi bwa Grand Legacy hotel buhura n’abakiliya ndetse n’abafatanyabikorwa babo bwahize kurushaho gufata neza Abakiliya babo no guhaza ibyifuzo byabo.

Abakundana bari babukereye mu birori bya Christmas Tree lighting

Abasohokera Grand Legacy bishimira serivisi nziza bahabwa

Byari ibyishimo ku bakiliya ba Grand Legacy

Christian yafatanyije n'umuyobozi wa RCB mu kwatsa Ikirugu

Grand Legacy Hotel yatanze impano zitandukanye ku bakiliya bayo

Imiryango itandukanye irahura igasabana kuri uyu munsi wa Christmas Tree lighting

Imiryango itandukanye yafashe umwanya iza kwifatanya na hoteli ya Grand Legacy muri ibi birori

Muri uyu muhango hakijwe igiti cya Noheli biba ikimenyetso cy'uko ibihe by'iminsi mikuru byatangiye muri Grand legacy

Umuyobozi ushinzwe imenyekanisha bikorwa muri Grand Legacy hotel, Ndagijimana Christian yavuze ko uyu munsi wa Christmas tree lighting uba ari igihe cyo gushimira abakiliya n’afatanya bikorwa ba Hoteli

Umuyobozi wa RCB Nelly Mukazayire yashimye uruhare rw'amahoteli mu gutuma ubukerarugendo bugenda neza mu Rwanda

Umwe mu miryango yari yaje kwifatanya na Grand Legacy hotel uhabwa impano

Uyu aba ari umunsi w'ibyishimo ku bakiriya ba Grand legacy hotel

Amafoto: Munyarugerero Gift