Mu ijoro ryo ku wa Mbere, tariki ya 15 Kamena, ni bwo Skol yafunguye ku mugaragaro muri Camp Kigali, ahazerekanirwa imikino kugeza ku wa 19 Nyakanga 2026.

Buri munsi kuva saa Kumi za nimugoroba kugeza saa Sita z’Ijoro, Skol Football Village izajya iba ifunguye ku bifuza kureba imikino, ndetse ku munsi wa mbere abitabiriye basusurukijwe n’umuhanzi Juno Kizigenza na Dj Brianne ugezweho mu bavanga imiziki.

Abakurikira imikino babona amahirwe yo gutsindira ibihembo bitandukanye birimo PS6, television ifite 73 inch, iri kumwe n’ifatabuguzi rya DStv mu gihe cy’umwaka wose, imyambaro y’amakipe akomeye ku Isi n’ibindi.

Mu gihe hazajya haba hari kubera imikino cyahariwe ikinyobwa cya Skol Malt, abafana bazajya bumva n’ubusesenguzi bw’abanyamakuru b’imikino bo mu Rwanda babifashijwemo na B&B Fm Kigali.

Si ubwa mbere Skol itegura igikorwa cyo kwerekana amarushanwa akomeye, kuko yabikoze mu 2018 no mu 2022.

Muri Skol Football Village haba hateguwe televiziyo nini yo kureberaho imikino

Buri wese umutima uba wahagaze kubera ikipe ye

Ubwo Dj Brianne yasusurutsaga abafana

Abazi gukina umupira w'amaguru batsindira ibihembo byateguwe na Skol

Abakina umupira w'amaguru wo ku ikoranabuhanga barakina bigatinda

Nyir'uruganda rwa Skol, Thibault Relecom, yifatanyije n'abandi bakunzi b'umupira w'amaguru mu gikorwa cyitabiriwe na Juno Kizigenza

Juno Kizigenza yaririmbiye abafana ubwo hafungurwaga Skol Football Village

Abafana bazagira amahirwe yo kureba amakipe bakunda

Dj Brianne asusurutsa abafana mu gihe bategereje ko umukino utangira

Abazi gikina Table Soccer barigaragaza mu gihe bagitegereje amakipe yabo ko ajya mu kibuga

Amafoto: Cyubahiro Key