Ibi ni ibyatangajwe na Bloomberg, ku wa 12 Ugushyingo 2025, ko urukiko rwo muri California rwakiriye iki kirego ku wa 11 Ugushyingo 2025.
Mu 2023 nibwo Google yashyize hanze AI yayo yise Gemini, nyuma yaje guhuzwa na serivisi zayo kugira ngo umuntu abashe kuba yakoresha iyo AI muri izo serivisi zayo zisanzwe.
Iki kirego kivuga ko Google yakoresheje ubwo buryo mu guha Gemini amakuru y’abo bantu nta burenganzira batanze.
Kigaragaza ko n’ubwo kureka guha ayo makuru iyi AI bishoboka, ari inzira ndende bituma benshi batabikora iyi AI igakomeza gutwara amakuru yabo y’ibanga.
Iki kirego kivuga ko Google yarenze ku itegeko ryo muri Leta ya Califonia rikumira abantu kumviriza cyangwa gukoresha amakuru y’abantu batatanze uburenganzira.
Iki kirego kije gikurikira icyo mu Nzeri 2025 Google yaciwe miliyoni 425,7$ ku bwo gukoresha amakuru y’abantu mu buryo butemewe.
