Nitumenya agaciro k’aho twifuza kugera, tuzamenya n’ikiguzi bidusaba

Yanditswe na

Wilson Ally Dusingizimana

Kuya 13 Mutarama 2015 saa 08:02
Yasuwe :
0 0

Ese aho ntiryaba ari ishyari bimwe mu bihugu by’amahanga bigirira u Rwanda na Afurika muri rusange? Twakangishijwe ibihano mu by’ubukungu biba iby’ubusa, none dutewe n’abinjiriye mu mateka yacu mabi twari tumaze kuyagira meza.
Abanyarwanda twagakwiye kumenya akarusho kacu! Ese ntidusobanukirwa n’umwihariko wacu? Reka twibukiranye kandi tunasubize amaso inyuma gato.
Kuki umunyamakuru wa BBC, Jane Corbin yakoze film The Rwanda’s Untold Story mu gihe twibuka ku nshuro ya makumyabiri jenoside ya (...)

Ese aho ntiryaba ari ishyari bimwe mu bihugu by’amahanga bigirira u Rwanda na Afurika muri rusange? Twakangishijwe ibihano mu by’ubukungu biba iby’ubusa, none dutewe n’abinjiriye mu mateka yacu mabi twari tumaze kuyagira meza.

Abanyarwanda twagakwiye kumenya akarusho kacu! Ese ntidusobanukirwa n’umwihariko wacu? Reka twibukiranye kandi tunasubize amaso inyuma gato.

Kuki umunyamakuru wa BBC, Jane Corbin yakoze film The Rwanda’s Untold Story mu gihe twibuka ku nshuro ya makumyabiri jenoside ya korewe abatutsi? Ese kuki yavuze ku Rwanda ntavuge ahandi habaye jenoside? Ese kuki yabajije abahunze igihugu ntabaze abarokotse jenoside, agatega indege ajya gushaka abantu mbarwa, ntabaze Imbaga y’abo yari asize muri sitade Amahoro?

Corbin yaje murwanda byitwa ko aje gufatanya n’Abanyarwanda kwibuka ku nshuro ya 20 Jenoside yakorewe abatutsi muri Mata 1994.

Jane Corbin wakoze filimi Rwanda's Untold Story

Yari aje gushaka amakuru azifashisha mu nkuru ye mpimbano yari igamije guhakana no gupfobya Jenoside yakorewe Abatutsi, ndetse no kuyobya Abanyarwanda n’Isi muri rusange ataretse no guhindanya isura nziza y’umukuru w’igihugu Paul Kagame mu ruhando mpuzamahanga.

Nyuma y’aho u Rwanda n’Abanyarwanda bahagaze bwuma bakikemurira ibibazo (abanyamahanga batifuriza icyiza u Rwanda na Afurika batashakaga ko dusohokamo), bakomeje kudutega imitego, kugirango tudakanguka ngo twigenge by’ukuri bitari bya bindi batubeshye ngo baduhaye ubwigenge bw’igice, bakadukoloniza bifashishije abacu, ngo ejo tuzahorane inzigo, dore ko guhora (guhoora), guhona, guhonga no guhunga byari byaratubayeho karande.

Ingero ni nyinshi! Ibyaha byarezwe abayobozi bakuru b’igihugu cyacu (u Rwanda) mu myaka ishize, byagaragaje ko bagenda bazamura ishusho nyayo y’agaciro k’abanyarwanda n’icyerekezo cya bo. Ntawe utazi aho twavuye uretse utari uhari cyangwa udashaka kuhamenya.

Habanje gushyirwaho impapuro zo guta muri yombi (Arrest Warrants), aho iby’umucamanza wo mu Bufaransa, byafashe ubusa hakazaho iby’uwo muri Espagne, nawe utaragize icyo afata. Ibyo byakurikiwe n’ibirego byavugaga uruhare rw’u Rwanda mu ntambara hagati ya Congo Kinshasa n’umutwe wa M23.

Bidateye kabiri, bati “inkunga zacu zirahagaze” natwe tuti “Ntacyo bidutwaye”, ariko kubera wa mwiryane twabibwemo nk’abanyafurika, Tanzania ishotora u Rwanda, gusa ibyo ntibyari bitangaje kuko na Nelson Mandela, intwari y’Isi yose, n’ishyaka rya ANC, bashyizwe ku rutonde rw’abaterabwoba (Terrorist) kugeza mu mwaka w’2008, barukurwaho na Perezida wa Leta Zunze Ubumwe za Amerika.

Nyamara ibi byabaye ntibyakuyeho umunsi wahariwe kumuzirikana nk’umuntu waharaniye amahoro, Mandela yashyiriweho n’Umuryango w’Abibumbye.

Bisa n’aho hari abakoresha abantu batandukanye ngo bahindure, bayobye icyerekezo cy’Abanyarwanda n’icy’Abanyafurika muri rusange, kuko nta wakora iterabwoba ngo anaharanire amahoro.

Dukwiye kwibaza impamvu zabyo, bityo tukagira n’icyo tubikoraho!

Mureke mbasangize izo jye mbona ari impamvu rusange ku Banyarwanda no ku Banyafurika:

 Gukoma mu nkokora iterambere ry’u Rwanda n’Akarere
 Jane Corbin nk’umunyamakuru ufite izina rizwi n’Abanyaburayi ukorera igitangazamakuru gikomeye ku isi, yakoze uko ashoboye, abyibwirije cyangwa abibwirijwe n’abandi, kugira ngo isura y’u Rwanda n’Abanyarwanda, ndetse n’Umukuru w’igihugu muri rusange, buririye kuri Jenoside yakorewe abatutsi muri Mata 1994 n’amoko, kuko bazi ingaruka byagize ku banyarwanda kandi bagifite ibikomere bya yo, ibi bigatuma akeka ko azumvwa vuba.

 Impamvu Film “Rwanda Untold Story” yakozwe bigaragara ko, kuba Jenoside yarabaye Umuryango mpuzamahanga urebera ntihagire igikorwa, bibwiraga ko bibaha amahirwe gutegeka Akarere ku buryo bworoshye, nyuma y’uko abanyarwanda baheranywe n’umubabaro w’ibyababayeho, bakibaza ko kazabaherana.
Nyamara iyo biba bityo, Akarere ntikari gutera imbere kuko hari guhoraho imvururu n’ubuhunzi bidashira, Iki kikaba ikibazo gikomeye mu iterambere ry’akarere n’umutekano wa ko, ibyo bikitwa gukubitwa akanyafu nk’umwana,

Dusingizimana Ally Wilson wanditse iki gitekerezo

 Iriya film yakozwe ku Rwanda kuko ari rwo mbogamizi mu nyungu z’Abanyaburayi mu karere ndetse no muri Afurika muri rusange.
Ibyo twanabitangira ingero:

 EAC yakomeye aho u Rwanda rugiriyemo, Imishinga yananiranye iratangizwa, bakidobya bimwa agaciro turakomeza. Umuhanda wa gari ya moshi ndetse n’umushinga w’irangamuntu imwe, Visa mu bukerarugendo hagati ya Kenya, Uganda n’u Rwanda, tutibagiwe n’imishinga y’ibijyanye n’Amashanyarazi.
Hanogejwe ishyirwa mu bikorwa ry’imishinga y’ubucuruzi bwambukiranya Imipaka, uruhare rw’u Rwanda mu iterambere ry’Akarere rigaragarira buri wese.

 Itangwa ry’ingabo na Polisi mu bikorwa by’Umuryango w’Abibumbye byo kubungabunga amahoro, bikiyongera ku mutwe udasanzwe w’abashinzwe gutabara abari mu kaga EASF, aho u Rwanda rwatanze abasirikare n’abapolisi benshi ndetse n’ibikoresho. Hanashyizweho uburyo buhamye bwo kwikemurira ibibazo, ibyo byose bikabangamira inyungu amahanga yabonaga muri Afurika ubwo bitwazaga ko baje kugarura umutekano, bakisahurira ibihugu.

 Icyizere abanyarwanda bagirirwa n’Abanyafurika mu gihe bakorana na bo, ndetse n’uburyo babibigiraho, bikiyongera ku musaruro dutanga ku isi, kandi abanyaburayi barakekaga ko ari bo babishoboye gusa, byateye ipfunwe kuko ari ukubakura ku nkongoro.

Nyuma y’ibi byose bigaragara ko biterwa n’abanyarwanda kuko ari bo soko yo kwibohora ubukoroni bushya, no kwigenga guhoraho kwa Afurika.

Nk’uko nateruye mvuga, Abanyarwanda ntitumere nk’abatazi aho bajya bamwe babona aho bageze hose bakibaza ko bageze iyo bajyaga. Ntidutekereze ko bazadufatira ibihano ku ntwaro za kirimbuzi kuko ntazo tugira, ahubwo bazaturega ibyo bakeka ko ari ikibazo ku Banyarwanda, banyuze mu binyoma by’abavuga ko batavuga rumwe n’ubutegetsi, ndetse n’amateka ataravuzweho rumwe.

Bisobanuye ko bazaduteresha intwaro iri muri twe (amoko yifashishijwe nk’iturufu ya Jenoside ya korewe abatutsi muri Mata 1994), tuzira umutima ukomeye, no gukunda Igihugu tukanabigaragaza aho turi hose, twihaza kandi twanga agasuzuguro.

Nitumenya agaciro k’aho twifuza kugera, tuzamenya n’ikiguzi bidusaba. Twibuke ko “Nothing we Can gain without Pain’’. Twemere Kubabara no kwiyuha icyuya mu buryo bwose bwahesha igihugu cyacu Agaciro.

Murakoze,

Wilson Ally DUSINGIZIMANA


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza