00:00:00 IGIHE NETWORK KN KINYARWANDA EN ENGLISH FR FRANCAIS

U Rwanda mu hantu 10 harangamiwe mu bukerarugendo muri 2016 ku Isi

Yanditswe na

Robert Musafiri

Kuya 13 January 2016 saa 09:37
Yasuwe :

U Rwanda rwashyize ku rutonde rw’ahantu nyaburanga 10 ku Isi ho gusurwa muri uyu mwaka wa 2016.

Ni urutonde rwakozwe n’Ikinyamakuru Forbes cyifashishije impuguke mu bijyanye n’ubukerarugendo aho cyagaragaje ahantu icumi ku Isi heza ho kuba abantu basura muri uyu mwaka wa 2016.

Forbes ivuga ko u Rwanda ari igihugu cyiza kirangwa n’ahantu nyaburanga henshi, ingagi zo mu birunga, amoko menshi y’inyoni n’inyamaswa zitaba ahandi, amashyamba, imigezi, ibiyaga, n’ibindi byinshi.

Iki kinyamakuru kandi kivuga ko usibye ibyiza nyaburanga bitatse u Rwanda, mu bindi bizahuruza abanyamahanga mu 2016, harimo Umujyi wa Kigali wuje isuku ndetse n’iterambere ritangaje , urwibutso rwa Jenoside rwa Kigali rurimo amateka y’ingirakamaro ndetse ikawa y’ u Rwanda yamamaye mu mahanga.

Mu bindi bice Forbes yashyize kuri uru rutonde, harimo Patagonia agace ko muri Amerika y’Epfo gahuriweho na Argentine na Chile, Mongolia, Iceland, Greenland, Cuba,Georgia, umugabane wa Antarctica, Romania na Bulgaria.

Ikigo cy’Igihugu cy’Iterambere (RDB) kivuga ko mu mwaka wa 2014 ubukerarugendo bwinjirije u Rwanda miliyoni zirenga 300 z’amadolari ya Amerika.

Abasuye u Rwanda bagenda baratira abandi ibyiza byarwo
Ingagi zo mu birunga ziri mu bikurura ba mukerarugendo benshi mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .