Ibibuga by’indege 20 byakoreshejwe n’abantu benshi ku Isi mu 2017

00:00:00 IGIHE NETWORK

KINYARWANDA

ENGLISH

FRANCAIS

Ibibuga by’indege 20 byakoreshejwe n’abantu benshi ku Isi mu 2017

Yanditswe na Mukaneza M.Ange

Kuya 23 September 2018 saa 07:55

Yasuwe :

Yavuzweho:

Raporo ku birebana n’ingendo yakozwe n’Inama Mpuzamahanga y’Ibibuga by’indege yagaragaje ko mu 2017, umubare w’abakoresha indege ndetse n’ingendo byiyongereye ugereranyije no mu myaka yabanje.

Iyi raporo inagaragaza uko ibibuga by’indege byakurikiranye mu gukoreshwa n’abagenzi benshi, aho umwanya wa mbere wegukanywe na Hartsfield-Jackson Atlanta International Airport cyo muri Leta Zunze Ubumwe za Amerika.

Iki kibuga cya Atlanta cyakoreshejwe n’abagenzi miliyoni 104, CNN ikaba igaragaza ko ibi biterwa no kuba ari yo nzira nini inyurwa n’abifuza kwinjira muri Amerika y’Amajyaruguru.

Giherereye mu mujyi 80% bya miliyoni 300 zituye Amerika bashobora kugenda bakoresheje amasaha abiri gusa mu ndege.

Uku gukoreshwa cyane ariko ngo bishobora kuzahinduka, kuko aricyo kibuga cyonyine bigaragara ko umubare w’abagikoresha wagabanutse ugereranyije n’ibindi biza muri 20 bya mbere.

Urugero ni Ikibuga cya Beijing Capital International cyaje ku mwanya wa kabiri, cyagize abagenzi miliyoni 96, bakaba bariyongereyeho 1.5%, mu gihe Atlanta yagabanutseho 0.3%.

Muri rusange ariko umubare w’abakoresheje ibibuga by’indege ku isi wiyongereyeho 7.5% mu 2017 ugera kuri miliyari 8.3; Ingano y’imizigo yiyongereye kugera kuri 7.7%, Hong Kong iguma ku mwanya wa mbere mu haturuka imizigo myinshi.

Iyi raporo yakozwe nyuma nyuma yo kugenzura ibibuga ibihumbi 25 byo mu bihugu 175, igaragaza ko u Bushinwa n’u Buhinde aribyo bikomeje kugira abagenzi benshi, aho byihariye 34.5% by’abateze indege bose.

Uko ibibuga by’indege byakurikiranye mu bagenzi mu 2017

1. Hartsfield-Jackson Atlanta International Airport (Georgia), miliyoni 104

2. Beijing Capital International Airport (u Bushinwa), miliyoni 96

3. Dubai International Airport (UAE), miliyoni 88

4. Tokyo Haneda International Airport (u Buyapani), miliyoni 85

5. Los Angeles International Airport (California), miliyoni 84.6

6. Chicago’s O’Hare International Airport (Illinois), miliyoni 80

7. London Heathrow Airport (U Bwongereza), miliyoni 78

8. Hong Kong International Airport (U Bushinwa), miliyoni 73

9. Shanghai Pudong International Airport (U Bushinwa), miliyoni 70

10. Aéroport de Paris-Charles de Gaulle (U Bufaransa) miliyoni 69

11. Amsterdam Airport Schiphol (U Buholandi), miliyoni 68.5