U Buholandi: Kwifotoza Kinyarwanda biratanga amahiwe yo gutembera mu Rwanda

Yanditswe na

Munyembabazi Honoré

Kuya 15 Mutarama 2015 saa 06:18
Yasuwe :
0 0

Ikigo cy’Iterambere mu Rwanda (RDB) kiri kiramurikira ba mukerarugendo ndetse n’ishami rishinzwe ry’ingendo mu Buholandi, ko uretse ingagi ziba muri Pariki y’Ibirunga, hari ahandi hantu hateye amatsiko by’agatangaza ndetse n’ibindi bikorwa byihariye ku Rwanda bibereye ubukerarugendo bushingiye ku muco.
Abanyarwanda bakomeje kwerekana imbyino Gakondo mu Buholandi guhera ku wa Gatatu tariki 14 kugeza ku Cyumweru ku wa 18 Mutarama 2015 (Vakantiebeurs 2015), aho abanyamahanga bahawe poromosiyo yo (...)

Ikigo cy’Iterambere mu Rwanda (RDB) kiri kiramurikira ba mukerarugendo ndetse n’ishami rishinzwe ry’ingendo mu Buholandi, ko uretse ingagi ziba muri Pariki y’Ibirunga, hari ahandi hantu hateye amatsiko by’agatangaza ndetse n’ibindi bikorwa byihariye ku Rwanda bibereye ubukerarugendo bushingiye ku muco.

Abanyarwanda bakomeje kwerekana imbyino Gakondo mu Buholandi guhera ku wa Gatatu tariki 14 kugeza ku Cyumweru ku wa 18 Mutarama 2015 (Vakantiebeurs 2015), aho abanyamahanga bahawe poromosiyo yo kwiforoteza aho u Rwanda rumurikira, abanyamahirwe muri bo bakazahabwa tike yo guura u Rwanda itagwa na RwandAir.

Iyi gahunda yitabiriwe kandi n’ibigo bitwara ba mukerarugendo nka Acces Rwanda Safaris, Amahoro Tours, Mercator Assistance ndetse na Ambasade y’u Rwanda mu muri iki gihugu.

U Rwanda ruramurikira ibikorwa byarwo mu cyumba cya kabiri (ku cyicaro C050).

Usibye indirimbo n’imbyino gakondo nyarwanda, aho u Rwanda rukorera muri iri murika haboneka proromosiyo idasanzwe; uhasura arahasanga abahanga mu gukora amafoto aho ashobora kwifotoza mu buryo bwa Kinyarwanda. Ikigo cy’ingendo mu kirere Rwanda air, kizahemba itike y’ubuntu yo gusura u Rwanda uzagira ifoto izakundwa cyane.

Buri wese wasuye aho u Rwanda rurimo gukorera anahabwa ifoto y’ubuntu yo gutahana nk’urwibutso, kandi uwanayishaka ashobora kuyisanga ku ku rukuta rwa facebook, www.facebook.com/travelrwanda.

Imbyino zorerekanwa mu cyumba cya sinema kiri aha u Rwanda ruri kumurikira. U Rwanda ruzwi nk’igihugu cy’imisozi igihumbi rukaba rufite ibyiza byinshi bituma abanyamahanga barusura biyongera buri mwaka.

Muri ibi byiza harimo nk’umukenke wo muri Pariki y’Akagera, ishyamba ryo muri Pariki ya Nyungwe, ndetse n’imirima y’ikawa n’icyayi na yo ishobora gusurwa.

Hari kandi n’isunzu rya Congo-Nil rya kilometero 227, mu nkengero z’ikiyaga cya Kivu, rishobora gutemberwa n’amaguru, igare cyangwa imodoka kandi ushoba no kwirarira muri iki giturage.nta mpungenge.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza