Ikigo cy’ Igihugu Gishyinzwe Ubucukuzi bw’Amabuye y’Agaciro gitangaza ko miliyoni 150 z’amadorari y’Amerika ari zo zavuye mu bucukuzi bw’amabuye y’agaciro mu mwaka ushjize. Bingana na 35% by’ umusaruro wavuye mu mabuye y’agaciro winjirije igihugu.

Kanzira Hildebrande Umuyobozi w’Ishami ry’ubushakashatsi ku mabuye y’agaciro mu Kigo cy’Igihugu Gishyinzwe Ubucukuzi bw’Amabuye y’Agaciro (Gewologi na Mine) yagize ati: ”Umusaruro wavuye mu bucukuzi bw’amabuye y’agaciro waruse uw’icyayi n’uw’Ikawa biteranye,(…), mu bucukuzi u Rwanda rwinjije amadevize ari hagati ya 35% na 40% ” Recette d’Exportation”.

Raporo yerekana uko umusaruro wavuye mu bucukuzi bw’amabuye y’agaciro mu mwaka wa 2011 uhagaze, igaragaza ko umusaruro wabonetse cyane muri gasegereti, colombeti na Wolfram. Gasegereti yacukuwe ingana na toni 5,196,900, umusaruro wavuye mu bucukuzi bw’i Rutongo usaga toni 1.056.787. Wolframu yacukuwe ingana na toni 1.234.980 n’andi mabuye yagiye acukurwa.

Kanzira Hildebrande avuga ko kugeza ubu umusaruro uzaboneka, kuko hari abashakashatsi b’Abadage baje gufasha iki Kigo mu bushakashatsi bw’amabuye y’agaciro kuva muri Mutarama uyu mwaka, avuga ko basinye amasezerano yo gukorana nabo mu gihe cy’umwaka wose.

Aba bashakashatsi bari gukorera mu turere twa Nyagatare, Muhanga, Kirehe na Nyamagabe aho batangiye gukora ubushakashatsi mu kugaragagaza amabaye y’agaciro ya kolombeti, wolfram (60 produits) ahari.
Hari n’itsinda ry’Abarusiya ririmo gukora ubushakashatsi mu Miyove ho Karere ka Gicumbi kuri zahabu n’andi mabuye y’agaciro. Byose bikazafasha gukomeza kongera umusaruro uturuka ku mabauye y’agaciro.

Raporo y’uko ubucukuzi bw’amabuye y’agaciro buhagaze, ivuga ko hatanzwe impushya ku ma sosiyete 8 akomeye, bwo gukora ubushakashatsi ahantu hadasanzwe hacukurwa hashobora kuba higanje mo amabuye mashya nka Zahabu, Wolfram, Nick, Cobalt, Platine, Cuivre n’andi mu Ntara zose z’Igihugu.

Kanzira yakomeje avuga ko ibi bifasha mu kuzamura imibereho y’abaturage no mu kubaha imirimo bikanafasha mu iterambere ry’Igihugu.