00:00:00 IGIHE NETWORK KN KINYARWANDA EN ENGLISH FR FRANCAIS

Cogebanque yashyikirije ibihembo abandi batsinze muri “Tugendane”

Yanditswe na Dufitumukiza Salathiel
Kuya 17 Kanama 2021 saa 02:38
Yasuwe :
0 0

Abandi bakiliya batatu ba Cogebanque bashyikirijwe ibihembo batsindiye mu bukangurambaga bwiswe “Tugendane” bugamije gushishikariza abantu gukoresha serivisi z’ikoranabuhanga.

Bwatangijwe ubwo habaga irushanwa ry’amagare,Tour du Rwanda 2021, rirangiye burakomeza.

Kuri uyu wa 17 Kanama 2021, ibihembo birimo frigo, igare na televiziyo nini (flat screen) ni byo byatangiwe ku cyicaro gikuru cya Cogebanque.

Akanyamuneza kari kose ku babihawe bavuze ko bahisemo gukoresha ikoranabuhanga bashaka kubona serivisi za banki biboroheye, bagatungurwa no guhamagarwa babwirwa ko hari ibihembo bibategereje.

Mpumuro François w’i Bugesera yahawe Flat screen. Mu myaka itatu amaze akorana n’iyo banki anakoresha ikoranabuhanga ryayo, yashimye uburyo yita ku bayigana.

Yagize ati “Naje gukorana na Cogebanque mvuye mu yindi banki nari nenze imikorere mibi. Cogebanque rero navuga ko irusha izindi banki gufata neza abakiliya kuko n’iki gikorwa kigaragaza ko ibafata neza.”

Karimunda Anastase w’i Rulindo washyikirijwe frigo, yavuze ko mu myaka ine amaze akoresha ikoranabuhanga ari byinshi ryamworohereje.

Ati “Niba nshaka nko koherereza umuntu amafaranga, kugura umuriro, kugura inite cyangwa gushyira amafaranga kuri MoMo nkoresha ikoranabuhanga.”

Bakomerana François wahawe igare we yavuze ko akurikije aho ibihe bigana hahirwa urubyiruko. Ni umucuruzi mu Karere ka Kicukiro.

Ati “Uzi kuba uri ku gitanda cyawe ukishyura? […] Ahubwo hahirwa abasore baje muri iki gihe, naho abatangiye kera twahombye kera.”

Iyamuremye Antoine ushinzwe iyamamazabikorwa muri Cogebanque yatangaje ko hasigaye inshuro ya gatanu ari na yo ya nyuma yo gutsindira ibihembo muri ubwo bukangurambaga.

Ati “Hasigaye inshuro imwe ari na yo tuzatangaza ku itariki ya 27 Kanama 2021. Bazatsindira ibihembo birimo moto, frigo, televiziyo, telefoni n’igare. Tuzaba tugeze mu mpera z’ubu bukangurambaga twise ‘Tugendane na Cogebanque’ twatangije muri Tour du Rwanda.”

Yongeye gukangurira abakiliya ba Cogebanque “gusirimuka” bakayoboka ikoranabuhanga bitandukanya no kugendana ibifurumba by’amafaranga mu ntoki.

Ati “Si ibyo gusa kuko umusirimu agendera ku gihe. Ikintu ushobora gukora mu munota umwe [kiba kigufashije]. Igihe ni amafaranga.”

Cogebanque imaze imyaka 22 yemerewe na Banki Nkuru y’u Rwanda gukorera mu gihugu. Imaze kugira amashami 28 ayifasha kugeza serivisi ku bayigana. Ifite ATM 36, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Bakomerana François (iburyo) wahawe igare we yavuze ko akurikije aho ibihe bigana hahirwa urubyiruko
Ibihembo byatanzwe kuri uyu wa 17 Kanama 2021 bigizwe n'igare,frigo na televiziyo nini
Iyamuremye Antoine ushinzwe iyamamazabikorwa muri Cogebanque yatangaje ko hasigaye inshuro imwe yo gutsindira ibihembo muri Tugendane
Karimunda Anastase w’i Rulindo (iburyo) washyikirijwe frigo, yavuze ko mu myaka ine amaze akoresha ikoranabuhanga ari byinshi ryamworohereje
Mpumuro François w’i Bugesera (iburyo) ni we wahawe Flat screen
Nyuma yo guhabwa ibihembo hafashwe ifoto y'urwibutso ku babihawe n'abakozi ba Cogebanque babibashyikirije

Amafoto: Igirubuntu Darcy


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .